അനുബന്ധ വാര്ത്തകള്
- ഡെത്ത് ഓവറെന്നാൽ ഓസീസിൻ്റെ അവസാനം, രാജകീയമായി തിരിച്ചെത്തി മുഹമ്മദ് ഷമി
- India vs Australia T 20 World Cup Warm-up match: 21 റണ്സിനിടെ വീണത് ആറ് വിക്കറ്റുകള്, അവസാന ഓവറില് തീയായി ഷമി; ഓസീസിനെതിരായ സന്നാഹ മത്സരത്തില് ഇന്ത്യക്ക് ജയം
- T20 World Cup Warm-up Match, India vs Australia: അവസാന ഓവറില് 'മിന്നല് ഷമി'; പരിശീലന മത്സരത്തില് കംഗാരുക്കളെ തുരത്തി ഇന്ത്യ
- T20 World Cup 2022, India vs Pakistan Match Predicted Eleven: റിഷഭ് പന്ത് പുറത്ത്, വിക്കറ്റ് കീപ്പറായി ദിനേശ് കാര്ത്തിക്ക്; പാക്കിസ്ഥാനെതിരെ ഇന്ത്യയുടെ സാധ്യത ഇലവന് ഇങ്ങനെ
- ഐപിഎൽ താരലേലം ഡിസംബർ 16ന് ബെംഗളൂരുവിൽ
അയാള് വലിയൊരു സിഗ്നല് തന്നിട്ടുണ്ട് ! തീപ്പൊരിയായി ഷമി; അവസാന ഓവറില് മൂന്ന് വിക്കറ്റ്, വിട്ടുകൊടുത്തത് വെറും നാല് റണ്സ്
ഓസ്ട്രേലിയയ്ക്കെതിരായ സന്നാഹ മത്സരത്തില് ഇന്ത്യക്ക് ആറ് റണ്സ് വിജയം. ഒരു സമയത്ത് ഓസ്ട്രേലിയ അനായാസ വിജയം ഉറപ്പിച്ച മത്സരമാണ് ഇന്ത്യ അവസാന ഓവറുകളില് തട്ടിയെടുത്തത്.
അവസാന ഓവറില് ഓസ്ട്രേലിയയ്ക്ക് ജയിക്കാന് വേണ്ടിയിരുന്നത് വെറും 11 റണ്സ് മാത്രം. നാല് വിക്കറ്റുകള് കൈവശമുണ്ടായിരുന്നു. മുഹമ്മദ് ഷമിക്കാണ് നായകന് രോഹിത് ശര്മ പന്ത് നല്കിയത്. നിര്ണായക സമയത്ത് കൂറ്റനടികളിലൂടെ കളിയുടെ ഗതി തിരിക്കാന് കെല്പ്പുള്ള പാറ്റ് കമ്മിന്സും ക്രീസില് ഉണ്ട്.
ആദ്യ പന്തില് കമ്മിന്സ് രണ്ട് റണ്സ് ഓടിയെടുത്തു. രണ്ടാം പന്തിലും രണ്ട് റണ്സ്. പിന്നീട് ജയിക്കാന് വേണ്ടത് നാല് പന്തില് ഏഴ് റണ്സ് മാത്രം. ഒരു സിക്സ് മതി എല്ലാം കൈവിടാന് എന്ന അവസ്ഥ. അവസാന ഓവറിന്റെ മൂന്നാം പന്ത് ഒരു ലോ ഫുള് ടോസാണ് ഷമി എറിഞ്ഞത്. പന്ത് വായുവിലൂടെ ബൗണ്ടറി ലൈനിന് അരികിലേക്ക്. സിക്സ് ആകുമെന്ന് തോന്നിയ പന്ത് ഒറ്റ കൈകൊണ്ട് ചാടിയെടുക്കുകയായിരുന്നു വിരാട് കോലി. പാറ്റ് കമ്മിന്സ് പുറത്തായി. അതോടെ മൂന്ന് പന്തില് ഏഴ് റണ്സ് എന്ന അവസ്ഥയായി.
തുടര്ന്നുള്ള മൂന്ന് പന്തുകളിലും തുടര്ച്ചയായി വിക്കറ്റുകള്. ആഷ്ടണ് അഗര് റണ്ഔട്ടായപ്പോള് ജോ ഇഗ്ലിസ്, കെയ്ന് റിച്ചാഡ്സണ് എന്നിവരെ അവസാന രണ്ട് പന്തുകളില് ഷമി ബൗള്ഡാക്കി.
