കൊല്‍ക്കത്ത കപ്പടിച്ചേ...!

ബാംഗ്ളൂര്‍| VISHNU.NL| Last Modified തിങ്കള്‍, 2 ജൂണ്‍ 2014 (10:47 IST)
രാത്രീഞ്ചരന്മാര്‍ കളംനിറഞ്ഞാടിയപ്പോള്‍ രാജാക്കന്മാര്‍ അടിയറവു പറഞ്ഞു. ഐപിഎല്ലിന്റെ ഏഴാം സീസണിലെ രാജാക്കന്മാര്‍ ഇനി കൊല്‍ക്കത്ത നൈറ്റ് റൈഡേഴ്സ്.


ഫൈനലില്‍ പഞ്ചാബ് കിംഗ്‌സ് ഇലവനെ മൂന്ന് വിക്കറ്റിന് തോല്‍പ്പിച്ചാണ് കൊല്‍ക്കത്ത നൈറ്റ് റൈഡേഴ്സ് കിരീടം നേടിയത്. ഇന്നലെ നടന്ന ഫൈനലില്‍ ടോസ് നഷ്ടപ്പെട്ട് ആദ്യം ബാറ്റ് ചെയ്ത പഞ്ചാബ് ഉയര്‍ത്തിയ 199/ 4 എന്ന സ്കോര്‍ മൂന്ന് പന്ത് ബാക്കിനില്‍ക്കെയാണ് കൊല്‍ക്കത്ത മറികടന്നത്.

50പന്തില്‍ ഏഴ് ഫോറും ആറ് സിക്സുമടക്കം 94 റണ്ണടിച്ച മനീഷ് പാണ്ഡെ, യൂസഫ് പഠാന്‍ ഗംഭീര്‍ (23), പിയൂഷ് ചൗള (13 നോട്ടൗട്ട്) എന്നിവരുടെ ബാറ്റിംഗാണ് കൊല്‍ക്കത്തയെ കിരീടം ചൂടിച്ചത്. കൊല്‍ക്കത്തയുടെ രണ്ടാമത്തെ ഐ‌പി‌‌എല്‍ കിരീടമാണിത്. പഞ്ചാബിന്റെ വൃദ്ധിമാന്‍ സാഹ നടത്തിയ ഒറ്റയാള്‍ പോരാട്ടം വിഫലമാവുകയും ചെയ്തു.

ഐപിഎല്ലില്‍ ആദ്യമായി സെഞ്ച്വറി അടിച്ച ഇന്ത്യക്കാരനായ മനീഷ് പാണ്ഡെയ്ക്ക് രണ്ടാമതൊരിക്കല്‍ കൂടി സെഞ്ച്വറി സ്വന്തമാക്കാനുള്ള അവസരം ആറ് റണ്ണകലെ നഷ്ടമായെങ്കിലും ഫൈനലിലെ മികച്ച താരമാകാനുള്ള ഭാഗ്യം ലഭിച്ചു. പഞ്ചാബിന്റെ വിസ്മയ താരം ഗ്ളെന്‍ മാക്‌സ്‌വെല്ലാണ് പ്ളേയര്‍ ഒഫ് ദ സീരീസായത്.

ടോസ് നേടിയ കൊല്‍ക്കത്ത നായകന്‍ ഗൗതം ഗംഭീര്‍ പഞ്ചാബിനെ ബാറ്റിംഗിന് ക്ഷണിക്കുകയായിരുന്നു. വീരേന്ദര്‍ സെവാഗും (10 പന്തില്‍ 7) , ഫാസ്റ്റ് ഡൗണായി ഇറങ്ങാന്‍ ധൈര്യം കാട്ടിയ നായകന്‍ ജോര്‍ജ് ബെയ്‌ലിയും (1) തുടക്കത്തിലേ പുറത്തായപ്പോള്‍ തന്നെ പഞ്ചാബിന് പരാജയം മണത്തു തുടങ്ങിയിരുന്നു.

സെവാഗിനെ നാലാംഓവറിന്റെ നാലാം പന്തില്‍ ഉമേഷ് യാദവിന്റെ പന്തില്‍ കൊല്‍ക്കത്തക്യാപ്ടന്‍ ഗംഭീര്‍ പിടികൂടുകയായിരുന്നു. പിന്നീട് ക്രീസിലെത്തിയ നരെയ്‌ന്‍ ബെയ്‌ലിയുടെ കുറ്റി നേരിട്ട രണ്ടാമത്തെ പന്തില്‍ തന്നെ തെറുപ്പിച്ചു. ഇതോടെ വോറയും സാഹയും ചേര്‍ന്ന് പതിയെ ഇന്നിംഗ്സ് കരുപ്പിടിപ്പിക്കുകയായിരുന്നു.

12 ഓവറില്‍നിന്ന് 129 റണ്ണാണ് ഈ സഖ്യം അടിച്ചുകൂട്ടിയത്. കളി കൈവിടുന്നു എന്ന് കൊല്‍ക്കത്തയ്ക്കു തോന്നിയ നിമിഷം. ടീം സ്കോര്‍ 159-ല്‍ നില്‍ക്കെ 17.1 ഓവറില്‍ വോറയെ സ്വന്തം ബൗളിംഗില്‍ പിടികൂടി പീയൂഷ് ചൗളയാണ് സഖ്യം പൊളിച്ചത്. 52 പ ന്ത് നേരിട്ട വോറ ആറ് ഫോറും രണ്ട് സിക്സുമടിച്ചു. പിന്നീട് ഇറങ്ങിയ മാക്സ്‌വെല്‍ (0) ഡക്കായി. പിന്നീട് മില്ലറെ സാക്ഷി നിറുത്തി. സാഹ സെഞ്ച്വറിയിലേക്ക് കത്തിക്കയറി.

മറുപടിക്കിറങ്ങിയ കൊല്‍ക്കത്തയ്ക്ക് ഇന്‍ഫോം ബാറ്റ്സ്മാന്‍ റോബിന്‍ ഉത്തപ്പയെ (5) തുടക്കത്തില്‍ത്തന്നെ നഷ്ടമായി. ഇന്നിംഗ്സിന്റെ നാലാം പന്തില്‍ മിച്ചല്‍ ജോണ്‍സന്റെ ബൗളിംഗില്‍ അക്ഷര്‍ പട്ടേല്‍ പിടികൂടുകയായിരുന്നു പട്ടേല്‍. തുടര്‍ന്ന് നായകന്‍ ഗംഭീറും (23), മനീഷും ചേര്‍ന്ന് റണ്‍റേറ്റ് താഴാതെ പോരാടിയപ്പോള്‍ ആറോവറില്‍ കൊല്‍ക്കത്ത 59 / 1 എന്ന നിലയിലെത്തി.

എന്നാല്‍ അടുത്ത ഓവറിന്റെ ആദ്യപന്തില്‍ ഗംഭീര്‍ മില്ലര്‍ക്ക്ക്യാച്ച് നല്‍കി. കരണ്‍വീറായിരുന്നു ബൗളര്‍. പിന്നീടിറങ്ങിയ യൂസഫ് പഠാനും മനീഷും ചേര്‍ന്ന് കൂട്ടിച്ചേര്‍ത്ത 61 റണ്ണായിരുന്നു കൊല്‍ക്കത്ത ഇന്നിംഗ്സിന്റെ നട്ടെല്ല്. 22 പന്തില്‍ നാല് ബൗണ്ടറിയടക്കം 36 റണ്ണടിച്ച യൂസഫിനെ പതിനാലാം ഓവറില്‍ കരണ്‍വീര്‍ തന്നെ
പുറത്താക്കി.

തുടര്‍ന്നിറങ്ങിയ ഷാക്കിബ് 12 റണ്ണെടുത്ത് ബെയ്‌ലിയുടെ ഡയറക്ട് ത്രോയില്‍ റണ്‍ ഔട്ടായി. തുടര്‍ന്നിറങ്ങിയ ഡ്യുഷാറ്റെയ്ക്കും അധികം തിളങ്ങാനായില്ല. 18.2 ഓവറില്‍ 187/7 എന്ന നിലയില്‍ പതറിയ കൊല്‍ക്കത്തയ്ക്ക് പിന്നെ ജയിക്കാന്‍ 10 പന്തില്‍ വേണ്ടിയിരുന്നത് 13 റണ്ണാണ്. മിച്ചല്‍ ജോണ്‍സണ്‍ പത്തൊമ്പതാം ഓവറിന്റെ അവസാന പന്ത് സിക്സറിന് പറത്തിയ പീയുഷ് ചൗള ലക്ഷ്യംആറ് പന്തില്‍ അഞ്ചാക്കി മാറ്റി. അവസാന ഓവറിന്റെ മൂന്നാം പന്തില്‍ പീയുഷിന്റെ ബാറ്റില്‍ നിന്നു തന്നെ ബൗണ്ടറിയിലേക്ക് പാഞ്ഞ പന്താണ് വിജയം നല്‍കിയത്.


ഇതിനെക്കുറിച്ച് കൂടുതല്‍ വായിക്കുക :

SRH vs RR: 300 പോലും അടിക്കാൻ കെൽപ്പുള്ള ഹൈദരാബാദ് ഇന്ന് ...

SRH vs RR: 300 പോലും അടിക്കാൻ കെൽപ്പുള്ള ഹൈദരാബാദ് ഇന്ന് രാജസ്ഥാനെതിരെ, രാജസ്ഥാൻ പാട് പെടും, ആവേശപ്പോരാട്ടം മൂന്നരയ്ക്ക്
ലങ്കന്‍ സ്പിന്‍ ജോഡിയായ മഹീഷ് തീക്ഷണ, വാനിന്ദു ഹസരങ്ക എന്നിവരാകും രാജസ്ഥാന്റെ ബൗളിംഗ് ...

Rajasthan Royals Probable Eleven: പരാഗിന് കീഴിൽ രാജസ്ഥാൻ ...

Rajasthan Royals Probable Eleven: പരാഗിന് കീഴിൽ രാജസ്ഥാൻ ഇന്നിറങ്ങുന്നു, സഞ്ജുവിന് ടീമിൽ പുതിയ റോൾ, പ്ലേയിങ്ങ് ഇലവൻ എങ്ങനെ?
സഞ്ജു സാംസണിനെ ഇമ്പാക്ട് പ്ലെയറായി ഉപയോഗിക്കുന്നതിനാല്‍ ശുഭം ദുബെ പ്ലേയിംഗ് ഇലവനില്‍ ...

Krunal Pandya: 'ആളറിഞ്ഞു കളിക്കെടാ'; ആര്‍സിബി ജേഴ്‌സിയണിഞ്ഞ ...

Krunal Pandya: 'ആളറിഞ്ഞു കളിക്കെടാ'; ആര്‍സിബി ജേഴ്‌സിയണിഞ്ഞ ആദ്യ കളിയില്‍ തിളങ്ങി ക്രുണാല്‍
മെഗാ താരലേലത്തില്‍ 5.75 കോടിക്കാണ് ആര്‍സിബി ക്രുണാല്‍ പാണ്ഡ്യയെ സ്വന്തമാക്കിയത്

Ajinkya Rahane: വെറുതെയല്ല ക്യാപ്റ്റനാക്കിയത്; ഈഡന്‍ ...

Ajinkya Rahane: വെറുതെയല്ല ക്യാപ്റ്റനാക്കിയത്; ഈഡന്‍ ഗാര്‍ഡന്‍സില്‍ തീയായി രഹാനെ
സ്‌കോര്‍ ബോര്‍ഡില്‍ നാല് റണ്‍സ് മാത്രമുള്ളപ്പോള്‍ ഓപ്പണര്‍ ക്വിന്റണ്‍ ഡി കോക്കിനെ ...

India vs New Zealand, Champions Trophy Final 2025: നന്നായി ...

India vs New Zealand, Champions Trophy Final 2025: നന്നായി സൂക്ഷിക്കണം, തോന്നിയ പോലെ അടിച്ചുകളിക്കാന്‍ പറ്റില്ല; ചാംപ്യന്‍സ് ട്രോഫി ഫൈനല്‍ ഏത് പിച്ചിലെന്നോ?
പാക്കിസ്ഥാനെതിരായ മത്സരത്തില്‍ ഇന്ത്യ ആറ് വിക്കറ്റിനാണ് ജയിച്ചത്

Jasprit Bumrah: മുംബൈ പാടുപെടും; ജസ്പ്രിത് ബുംറയുടെ ...

Jasprit Bumrah: മുംബൈ പാടുപെടും; ജസ്പ്രിത് ബുംറയുടെ തിരിച്ചുവരവ് വൈകും
മാര്‍ച്ച് 29 ശനിയാഴ്ചയാണ് മുംബൈയുടെ രണ്ടാമത്തെ മത്സരം. ഈ കളിയിലും ബുംറയ്ക്ക് പന്തെറിയാന്‍ ...

അവൻ ഇച്ചിരി കൂടെ മൂക്കാനുണ്ട്, ക്യാപ്റ്റനാകാൻ മാത്രം ഗിൽ ...

അവൻ ഇച്ചിരി കൂടെ മൂക്കാനുണ്ട്, ക്യാപ്റ്റനാകാൻ മാത്രം ഗിൽ ആയിട്ടില്ലെന്ന് സെവാഗ്
നായകനെന്ന നിലയില്‍ ബാറ്റണ്‍ എടുക്കാനുള്ള പാകത ഗില്ലിനായിട്ടില്ലെന്ന് പറഞ്ഞ സെവാഗ് പവര്‍ ...

പുതിയ നിയമം ആദ്യമായി പരീക്ഷിച്ചു, പണികിട്ടിയത് ...

പുതിയ നിയമം ആദ്യമായി പരീക്ഷിച്ചു, പണികിട്ടിയത് ട്രിസ്റ്റ്യണ്‍ സ്റ്റമ്പ്‌സിന്; പുറത്തായതിന് പിന്നാലെ രോഷപ്രകടനം
ഡല്‍ഹി- ലഖ്‌നൗ മത്സരത്തിനിടെയാണ് ഈ നിയമം ആദ്യമായി പരീക്ഷിച്ചത്. മത്സരത്തിലെ പതിമൂന്നാം ...

Rajasthan Royals vs Kolkata Knight Riders: സഞ്ജു ഇന്നും ...

Rajasthan Royals vs Kolkata Knight Riders: സഞ്ജു ഇന്നും ഇംപാക്ട് പ്ലെയര്‍; പരാഗിന്റെ ക്യാപ്റ്റന്‍സിയില്‍ ആരാധകര്‍ക്കു അതൃപ്തി
പരുക്കില്‍ നിന്ന് പൂര്‍ണ മുക്തി നേടാത്ത സഞ്ജു സാംസണ്‍ ഇന്നും ഇംപാക്ട് പ്ലെയര്‍ ആയിരിക്കും

മത്സരത്തിന് മുൻപായി ബ്രസീൽ ഞങ്ങളെ പുച്ഛിച്ചു, ഇനി അവർ ...

മത്സരത്തിന് മുൻപായി ബ്രസീൽ ഞങ്ങളെ പുച്ഛിച്ചു, ഇനി അവർ കുറച്ച് ബഹുമാനിക്കട്ടെ: റോഡ്രിഗോ ഡി പോൾ
ഞങ്ങള്‍ മത്സരത്തിന് മുന്‍പായി ആരെയും പുച്ഛിക്കാറില്ല. അനാദരവ് കാണിക്കാറില്ല. ഈ ...