അനുബന്ധ വാര്ത്തകള്
- ജോഫ്രാ ആർച്ചറും കളിക്കും, ഇന്ത്യക്കെതിരെ കരുത്തുറ്റ നിരയുമായി ഇംഗ്ലണ്ട്
- കാത്തിരിപ്പിന് അവസാനം: സൂര്യകുമാർ യാദവ് ഇന്ന് അരങ്ങേറും, കളിക്കുക അഞ്ചാം നമ്പറിൽ?
- കോലിക്ക് ഇനി ആശങ്കകൾ വേണ്ട കണ്ണുംപൂട്ടിയടിക്കാം: കാരണം പറഞ്ഞ് ലക്ഷ്മൺ
- ടി20 ലോകകപ്പ് ആര് നേടും? ഹോട്ട് ഫേവറേറ്റ് ആരെന്ന് വ്യക്തമാക്കി ജോസ് ബട്ട്ലർ
- ഇംഗ്ലണ്ടിനെതിരായ ടി20 പരമ്പര: സിക്സർ റെക്കോർഡിൽ തലപ്പത്തെത്താൻ കെഎൽ രാഹുൽ
അശ്വിൻ മികച്ച താരം തന്നെ, പക്ഷേ ടി20 ടീമിൽ ഉൾപ്പെടുത്താനാവില്ല: തുറന്ന് പറഞ്ഞ് വിരാട് കോലി
ഓസീസിനെതിരെയും ഇംഗ്ലണ്ടിനെതിരെയും ഉള്ള ഇന്ത്യയുടെ ടെസ്റ്റ് വിജയങ്ങളിൽ നിർണായകമായ പങ്ക് വഹിച്ച താരമാണ് ഇന്ത്യൻ ഓഫ് സ്പിന്നർ രവിചന്ദ്ര അശ്വിൻ. ടെസ്റ്റിൽ ലെജന്ററി സ്റ്റാറ്റസിലേക്ക് നീങ്ങികൊണ്ടിരിക്കുന്ന അശ്വിന് പക്ഷേ ഇന്ത്യൻ പരിമിത ടീമിൽ ഇടം സ്ഥിരമായി ലഭിക്കാറില്ല. ഇപ്പോളിതാ വരാനിരിക്കുന്ന ടി20 ലോകകപ്പ് ടീമിലും അശ്വിന് ഇടം നേടാനാവില്ലെന്ന വാർത്തകളാണ് വരുന്നത്.
ഇന്ത്യൻ നായകൻ വിരാട് കോലി തന്നെയാണ് ഇക്കാര്യം വ്യക്തമാക്കിയത്. ടി20യിൽ അശ്വിന്റെ അതേ റോൾ ചെയ്യുന്ന വാഷിങ്ടൺ സുന്ദർ ടീമിലുണ്ടെന്നും അതിനാൽ അശ്വിൻ ടി20 ടീമിൽ കളിക്കുന്നത് ബുദ്ധിമുട്ടേറിയതാകുമെന്നും കോലി വ്യക്തമാക്കി. ഇംഗ്ലണ്ടിനെതിരായ ആദ്യ ടി20 മത്സരത്തിന് മുൻപ് മാധ്യമങ്ങളോട് സംസാരിക്കുകയായിരുന്നു അദ്ദേഹം.
വാഷിങ്ടൺ ടീമിനായി നല്ല രീതിയിലാണ് കളിക്കുന്നത്. ടി20യിൽ ഒരേ പോലുള്ള രണ്ട് പേരെ ഒരിടത്ത് കളിപ്പിക്കാനാവില്ല കോലി വ്യക്തമാക്കി. 46 ടി20 മത്സരങ്ങൾ ഇന്ത്യക്കായി കളിച്ച അശ്വിൻ 52 വിക്കറ്റുകളാണ് സ്വന്തമാക്കിയിട്ടുള്ളത്. 2017ൽ വിൻഡീസിനെതിരെയായിരുന്നു അശ്വിന്റെ അവസാന ടി20 മത്സരം.
