അനുബന്ധ വാര്ത്തകള്
- ഇങ്ങനെയുമുണ്ടോ ആരാധകകൂട്ടം! കോലിയെ വീഴ്ത്തിയ ജാമിസന്റെ ഐപിഎൽ കരാർ റദ്ദാക്കണമെന്ന് ആർസിബി ആരാധകർ
- ശ്രീലങ്കയിൽ കഴിവ് തെളിയിച്ചാൽ ലോകകപ്പിൽ ഇന്ത്യയ്ക്കായി കളിക്കാം, സഞ്ജുവിന് മുന്നിൽ സുവർണാവസരം
- ഓപ്പണിങ്ങിൽ പൃഥ്വി ഷായും ധവാനും, സഞ്ജു നാലാമൻ, ശ്രീലങ്കക്കെതിരായ ഇന്ത്യയുടെ സാധ്യതാ ടീം
- എന്റെ കയ്യിൽ നിന്നും ഏറ്റവും മികച്ച പ്രകടനം എങ്ങനെ വാങ്ങണമെന്ന് ധോണിക്കറിയാമായിരുന്നു; സുരേഷ് റെയ്ന
- ലങ്കൻ പര്യടനത്തിന്റെ തീയതികളായി, ഇന്ത്യൻ സംഘത്തെ 15ന് പ്രഖ്യാപിച്ചേക്കും
ഐപിഎല്ലിൽ സഞ്ജുവിന് എട്ടിന്റെ പണി, രണ്ടാം പാദത്തിൽ കളിക്കാനില്ലെന്ന് ബട്ട്ലർ
ഇന്ത്യൻ പ്രീമിയർ ലീഗിന്റെ രണ്ടാം പാദമത്സരങ്ങൾ സെപ്റ്റംബർ 19ന് പുനരാരംഭിക്കാനിരിക്കെ സഞ്ജു സാംസൺ നയിക്കുന്ന രാജസ്ഥാൻ റോയൽസിന് കടുത്ത തിരിച്ചടി. രാജസ്ഥാന്റെ ബാറ്റിങ് നെടന്തൂണായ ജോസ് ബട്ട്ലർ രണ്ടാം പാദ ഐപിഎൽ മത്സരങ്ങളിൽ കളിക്കില്ലെന്നാണ് പുറത്ത് വരുന്ന റിപ്പോർട്ടുകൾ.
ഇംഗ്ലണ്ട് താരമായ ജോസ് ബട്ലര് കഴിഞ്ഞ ദിവസം നല്കിയ അഭിമുഖത്തിലാണ് രണ്ടാം പാദം കളിക്കാനുണ്ടാകില്ലെന്ന് വ്യക്തമാക്കിയത്. ഐപിഎൽ സമയത്ത് ഇംഗ്ലണ്ടിന് അന്താരാഷ്ട്ര മത്സരമുണ്ടെന്നും ഐപിഎല്ലിനേക്കാൾ പ്രാധാന്യം അതിനാണ് നൽകുന്നതെന്നും ബട്ട്ലർ പറഞ്ഞു. ഐപിഎല്ലിനനുസരിച്ച് ക്രിക്കറ്റ് ഷെഡ്യൂൾ മാറ്റില്ലെന്ന് നേരത്തെ തന്നെ ഇംഗ്ലണ്ട് ക്രിക്കറ്റ് ബോർഡ് അറിയിച്ചിരുന്നു.
മത്സരങ്ങളുമായി ഇംഗ്ലണ്ട് ക്രിക്കറ്റ് ബോർഡ് മുന്നോട്ട് പോവുകയാണെങ്കിൽ അത് ഏറ്റവും ബാധിക്കുക സഞ്ജു നയിക്കുന്ന രാജസ്ഥൻ റോയൽസിനെയായിരിക്കും. ജോഫ്രെ ആർച്ചർ, ബെൻ സ്റ്റോക്സ്,ബട്ട്ലർ,ലിവിൻസ്റ്റൺ തുടങ്ങി രാജസ്ഥാന്റെ പ്രധാനവിദേശതാരങ്ങളെല്ലാം തന്നെ ഇംഗ്ലണ്ടുകാരാണ്.
ഇംഗ്ലണ്ടിനെക്കൂടാതെ ന്യൂസീലന്ഡ്, ഓസ്ട്രേലിയ താരങ്ങളുടെ പങ്കാളിത്തവും സംശയമാണ്.ഇതോടെ ഐപിഎൽ മത്സരങ്ങളുടെ പകിട്ട് കുറയുമെന്ന് ഉറപ്പായിരിക്കുകയാണ്.സെപ്തംബര് 19 മുതല് ഒക്ടോബര് 15വരെ യുഎഇയിൽ ആയിരിക്കും ഐപിഎൽ മത്സരങ്ങൾ നടക്കുക.
