1. കായികം
  2. ക്രിക്കറ്റ്‌
  3. ക്രിക്കറ്റ്‌ വാര്‍ത്ത
  4. India will be playing zimbabwe series after T20 worldcup

അപ്രതീക്ഷിതമായി പുതിയ ടി20 പരമ്പര, സഞ്ജുവിന് വീണ്ടും അവസരം ഒരുങ്ങിയേക്കും

Sanju Samson, Sanju Keeper, Sanju Samson India, Cricket News, Webdunia Malayalam
ഈ വര്‍ഷം ജൂണില്‍ നടക്കാനിരിക്കുന്ന ടി20 ലോകകപ്പിന് പിന്നാലെ മറ്റൊരു പരമ്പര കൂടി കളിക്കാന്‍ തീരുമാനിച്ച് ബിസിസിഐ. സിംബാബ്‌വെയില്‍ അഞ്ച് മത്സരങ്ങളടങ്ങിയ ടി20 പരമ്പരയിലാകും ലോകകപ്പിന് പിന്നാലെ ഇന്ത്യ കളിക്കുക. ജൂലൈ 6 മുതല്‍ 14 വരെയുള്ള തീയ്യതികളിലായിരിക്കും മത്സരങ്ങള്‍. ലോകകപ്പിന് തൊട്ടുപിന്നാലെ നടക്കുന്ന പരമ്പരയായതിനാല്‍ തന്നെ സീനിയര്‍ താരങ്ങളില്ലാതെ ഐപിഎല്ലില്‍ തിളങ്ങുന്ന യുവതാരങ്ങള്‍ക്കായിരിക്കും പരമ്പരയില്‍ അവസരം ലഭിക്കുക.
 
ജൂണില്‍ വെസ്റ്റിന്‍ഡീസിലും അമേരിക്കയിലുമായിട്ടാണ് ടി20 ലോകകപ്പ് നടക്കുന്നത്. ലോകകപ്പിന് മുന്‍പ് മറ്റ് ടി20 പരമ്പരകളിലൊന്നും ഇന്ത്യ കളിക്കുന്നില്ല. ഐപിഎല്‍ കളിച്ച ശേഷം താരങ്ങള്‍ നേരിട്ട് ടി20 ലോകകപ്പിനായി പോകും. ഐപിഎല്ലിലെ പ്രകടനങ്ങള്‍ കൂടി വിലയിരുത്തിയാകും ടി20 ലോകകപ്പിനായുള്ള ഇന്ത്യന്‍ ടീം പ്രഖ്യാപനം. ഇഷാന്‍ കിഷന്‍ സജീവ സാന്നിധ്യമല്ലെങ്കിലും ടി20 ടീമില്‍ സഞ്ജുവിന് പകരം ജിതേഷ് ശര്‍മയെത്താനാണ് സാധ്യതയധികവും. മധ്യനിരയില്‍ മാത്രമാണ് ഇന്ത്യന്‍ ടി20 ടീമില്‍ അവസരമുള്ളത്. ഇത് മുന്‍നിര്‍ത്തി കെ എല്‍ രാഹുല്‍,സഞ്ജു എന്നിവര്‍ ഐപിഎല്ലില്‍ മധ്യനിരയില്‍ കളിക്കാന്‍ സാധ്യത കൂടുതലാണ്.
അടുത്ത ലേഖനം
Who is Uday Saharan: ഒരു സമ്മര്‍ദ്ദവുമില്ലാതെ കളിക്കുന്ന 'കോലി ടച്ച്'; ആരാണ് ഉദയ് സഹരണ്‍