അനുബന്ധ വാര്ത്തകള്
- ഓപ്പണറും മധ്യനിരയും ഇപ്പോഴും സെറ്റല്ല, പാകിസ്ഥാൻ പണ്ട് ചെയ്ത മണ്ടത്തരം ഇന്ത്യ ആവർത്തിക്കുന്നു
- സ്റ്റേഡിയത്തിൽ ഡികെ വിളികൾ, ബൗണ്ടറി കടന്ന് ആരാധകരോട് ദേഷ്യപ്പെട്ട് മുരളി വിജയ്
- ചേസിങ്ങിൽ മാസ്റ്റർ! കോലിക്കും രോഹിത്തിനുമൊപ്പം ഇടം നേടി സ്മൃതി മന്ദാന
- 37 വയസ്സ്! കാർത്തിക് ജനിച്ചത് പാകിസ്ഥാനിലായിരുന്നുവെങ്കിൽ ആഭ്യന്തരക്രിക്കറ്റിൽ തന്നെ കാണില്ലായിരുന്നു
- India vs West Indies 2nd T20 Dream 11 Team: ഡ്രീം ഇലവനില് ഈ താരങ്ങളെ ഉള്പ്പെടുത്തൂ, പണം വാരൂ
India vs West Indies 2nd T20 Score board: വിന്ഡീസ് വീര്യം പുറത്തെടുത്ത് മക്കോയ്, ഇന്ത്യക്ക് നാണംകെട്ട തോല്വി
മക്കോയ് നാല് ഓവറില് 17 റണ്സ് മാത്രം വഴങ്ങി ആറ് വിക്കറ്റുകള് സ്വന്തമാക്കി
India vs West Indies 2nd T20 Score board: വെസ്റ്റ് ഇന്ഡീസിനെതിരായ ട്വന്റി 20 പരമ്പരയിലെ രണ്ടാം മത്സരത്തില് ഇന്ത്യക്ക് നാണംകെട്ട തോല്വി. ആദ്യം ബാറ്റ് ചെയ്ത ഇന്ത്യ 19.4 ഓവറില് 138 റണ്സ് നേടിയപ്പോള് ആതിഥേയരായ വെസ്റ്റ് ഇന്ഡീസ് 19.2 ഓവറില് അഞ്ച് വിക്കറ്റ് ബാക്കിനില്ക്കെ വിജയം സ്വന്തമാക്കി.
ഒബേദ് മക്കോയ് ആണ് പേരുകേട്ട ഇന്ത്യന് ബാറ്റിങ് നിരയെ എറിഞ്ഞിട്ടത്. മക്കോയ് നാല് ഓവറില് 17 റണ്സ് മാത്രം വഴങ്ങി ആറ് വിക്കറ്റുകള് സ്വന്തമാക്കി. ജേസണ് ഹോള്ഡര് രണ്ടും അല്സാരി ജോസഫ്, അക്കീല് ഹൊസെയ്ന് എന്നിവര് ഓരോ വിക്കറ്റുകളും വീഴ്ത്തി. വിന്ഡീസിന് വേണ്ടി ഓപ്പണര് ബ്രണ്ടന് കിങ് 52 പന്തില് 68 റണ്സ് നേടി. ഡെവന് തോമസ് 19 പന്തില് 31 റണ്സുമായി പുറത്താകാതെ നിന്നു.
ഇന്ത്യന് നിരയില് ആര്ക്കും വലിയ സംഭാവനകളൊന്നും നല്കാന് സാധിച്ചില്ല. ഹാര്ദിക് പാണ്ഡ്യ (31 പന്തില് 31), രവീന്ദ്ര ജഡേജ (30 പന്തില് 27), റിഷഭ് പന്ത് (12 പന്തില് 24) എന്നിവര് മാത്രമാണ് അല്പ്പമെങ്കിലും പിടിച്ചു നിന്നത്. നായകന് രോഹിത് ശര്മ നേരിട്ട ആദ്യ പന്തില് തന്നെ പുറത്തായി. സൂര്യകുമാര് യാദവ് 11 റണ്സും ശ്രേയസ് അയ്യര് പത്ത് റണ്സും ദിനേശ് കാര്ത്തിക്ക് ഏഴ് റണ്സും നേടി പുറത്തായി.
അഞ്ച് മത്സരങ്ങളുടെ ട്വന്റി 20 പരമ്പര 1-1 എന്ന നിലയിലായി. ടോസ് ലഭിച്ച വെസ്റ്റ് ഇന്ഡീസ് ഇന്ത്യയെ ബാറ്റിങ്ങിനയക്കുകയായിരുന്നു.
