India vs England : കോലിയും രോഹിത്തും ഇല്ലെങ്കിലും ഇന്ത്യ അപകടകാരികൾ, നേരിടുക എളുപ്പമല്ല: ബെൻ സ്റ്റോക്സ്
Ben Stokes
ഇന്ത്യയെന്ന ക്രിക്കറ്റ് ശക്തികേന്ദ്രത്തില്‍ എത്രമാത്രം പ്രതിഭകളുണ്ടെന്ന് ലോകത്തിന് മുഴുവന്‍ അറിയാം. രോഹിത്, കോലി, അശ്വിന്‍ എന്നിവര്‍ കളിക്കുന്നില്ല എന്നത് കൊണ്ട് അവര്‍ക്ക് പകരം വരുന്നവര്‍ വെല്ലുവിളി ഉയര്‍ത്തുന്നില്ല എന്നല്ലെന്നും സ്റ്റോക്സ് വ്യക്തമാക്കി. രോഹിത്, കോലി എന്നിവരുടെ അസാന്നിധ്യത്തില്‍ ശുഭ്മാന്‍ ഗില്ലിന്റെ നേതൃത്വത്തിലുള്ള യുവനിരയാണ് ഇത്തവണ ഇംഗ്ലണ്ടിനെതിരെ മൈതാനത്തിറങ്ങുന്നത്.
സീനിയര്‍ താരങ്ങളില്‍ കെ എല്‍ രാഹുല്‍, ജസ്പ്രീത് ബുമ്ര, റിഷഭ് പന്ത് എന്നിവരുടെ പ്രകടനങ്ങളാകും പരമ്പരയില്‍ നിര്‍ണായകമാവുക. അതേസമയം നായകനെന്ന നിലയിലും ബാറ്ററെന്ന നിലയിലും ശുഭ്മാന്‍ ഗില്ലിനുള്ള ലിറ്റ്‌മെസ് ടെസ്റ്റാകും ഇംഗ്ലണ്ടിനെതിരായ ടെസ്റ്റ് പരമ്പര.
