ഐപിഎൽ ചരിത്രത്തിലെ ഏറ്റവും മികച്ച ഓൾറൗണ്ടർ ഓസ്ട്രേലിയൻ താരം ഷെയ്‌ൻ വാട്‌സൺ ആണെന്ന് മുൻ ഇന്ത്യൻ ഓപ്പണിങ്ങ് താരമായ ഗൗതം ഗംഭീർ.രാജസ്ഥാൻ റോയൽസിന് വേണ്ടിയും ചെന്നൈ സൂപ്പർ കിങ്ങ്‌സിന് വേണ്ടിയും മാൻത്രിക പ്രകടനങ്ങളാണ് വാട്സൺ കാഴ്ച്ച വെച്ചതെന്നാണ് ഗംഭീർ പറയുന്നത്.

രാജസ്ഥാൻ റോയൽസിനായി അസാമാന്യമായ പ്രകടനമായിരുന്നു വാട്സൺ കാഴ്ച്ചവെച്ചത്. കഴിഞ്ഞ 12 വർഷത്തെ ഐപിഎൽ ചരിത്രത്തിലെ ഏറ്റവും മികച്ച ഓൾറൗണ്ടർ തീർച്ചയായും വാട്സൺ ആയിരിക്കും. എന്നാൽ മൂന്ന് വർഷങ്ങൾക്ക് ശേഷം ഐപിഎല്ലിലെ മികച്ച ഓൾറൗണ്ടർ ആരാണെന്ന ചോദ്യം ആവർത്തിക്കുകയാണെങ്കിൽ ആന്ദ്രെ റസൽ എന്നായിരിക്കും തന്റെ ഉത്തരം എന്നും ഗംഭീർ പറഞ്ഞു.