അനുബന്ധ വാര്ത്തകള്
- ഐപിഎല്ലിനുള്ള തയ്യാറെടുപ്പ് തുടങ്ങി യുഎഇ, ഐസിസിയുടെ പ്രഖ്യാപനത്തിന് കാത്ത് ബിസിസിഐ
- 'ആദ്യം കോഹ്ലിയെ പിടിച്ചുകെട്ടാനുള്ള പ്ലാൻ തയ്യാറാക്കണം, ബുമ്രയും ഷമിയും അപകടകാരികൾ'
- ഇന്ത്യ നിങ്ങൾക്ക് വലിയ വെല്ലുവിളിയുയർത്തും: ഓസീസ് ടീമിന് മുന്നറിയിപ്പുമായി ഗംഭീർ
- മൂന്ന് മാസം സമയം മതി, മൂന്ന് രഞ്ജി ട്രോഫി മത്സരവും, റൺസ് എടുക്കുന്നത് എങ്ങനെയെന്ന് ഞാൻ കാട്ടിത്തരാം: ഗാംഗുലി
- അവരില്ലെങ്കിൽ ഞങ്ങളുമില്ല, കേഴ്സ്റ്റണെ പ്രവേശിപ്പിക്കില്ലെന്ന് പറഞ്ഞ പരിപാടി റദ്ദ് ചെയ്ത ധോണി
ഗംഭീറിനെന്തോ പ്രശ്നമുണ്ട്, വീണ്ടും കൊമ്പുകോർത്ത് ഷാഹിദ് അഫ്രീദി
ക്രിക്കറ്റ് മൈതാനത്തിനകത്തും പുറത്തും ഇന്ത്യയുടെ മുന് ഓപ്പണര് ഗൗതം ഗംഭീറും പാക്കിസ്ഥാന്റെ മുന് നായകന് ഷാഹിദ് അഫ്രീദിയും തമ്മിലുള്ള വാക്പോരാട്ടങ്ങൾ ക്രിക്കറ്റ് ലോകത്തിന് സുപരിചിതമാണ്. അഫ്രീദി ഒരിടയ്ക്ക് ഇന്ത്യാ വിരുദ്ധ പ്രസ്താവനകൾ കൂടി നടത്തിയതോടെ ഇരുവരും തമ്മിലുള്ള അകലം വർധിക്കുകയും ചെയ്തിരുന്നു.
ഇപ്പോളിതാ ഒരിടവേളയ്ക്ക് ശേഷം വീണ്ടും ഗംഭീറിനെതിരെ വിമർശനവുമായി രംഗത്തെത്തിയിരിക്കുകയാണ് അഫ്രീദി. ഗംഭീർ എന്ന ക്രിക്കറ്ററെ ഇഷ്ടമാണെങ്കിലും ഗംഭീർ എന്ന മനുഷ്യന് എന്തോ പ്രശ്നമുണ്ടെന്നാണ് അഫ്രീദിയുടെ പുതിയ വിമർശനം.പാക്ക് ടിവി അവതാരക സൈനാബ് അബ്ബാസുമായുള്ള അഭിമുഖത്തിനിടെയാണ് അഫ്രീദിയുടെ വെളിപ്പെടുത്തൽ.
2009-2011 കാലഘട്ടത്തില് ഇന്ത്യന് ടീമിന്റെ മെന്റല് കണ്ടിഷനിങ് പരിശീലകനായിരുന്ന പാഡി അപ്ടണ് ഇന്ത്യന് ടീമില് താന് കണ്ട ഏറ്റവും ദുര്ബലന് ഗൗതം ഗംഭീറായിരുന്നുവെന്ന് പറഞ്ഞിരുന്നു. ഇത് ചൂണ്ടികാണിച്ച് ഗംഭീറിന് പ്രശ്നങ്ങൾ ഉള്ളതായി ടീം ഫിസിയോ തന്നെ പറഞ്ഞിരുന്നെന്നും അഫ്രീദി അഭിമുഖത്തിനിടെ വ്യക്തമാക്കി.
