അനുബന്ധ വാര്ത്തകള്
- നാല് വിക്കറ്റ് വീഴ്ത്തിയിട്ടും കുൽദീപിന് ലഭിച്ചത് 3 ഓവർ, ഒടുവിൽ വിശദീകരണവുമായി പന്ത്
- ലോക്കിയെ പഞ്ഞിക്കിട്ടു, ആറ് ബോളിൽ 25* ആരാണ് ഗുജറാത്തിനെ വിറപ്പിച്ച ശശാങ്ക് സിങ്
- തീക്കനലല്ല, ഇവൻ തീക്കട്ട: ഉമ്രാന്റെ തീയുണ്ടകളിൽ അമ്പരന്ന് ക്രിക്കറ്റ് ലോകം
- വേഗത മാത്രമെന്ന് പരിഹാസം, സർജിക്കൽ ബ്ലേഡിന്റെ കൃത്യത കൊണ്ട് മറുപടി നൽകി ഉമ്രാൻ മാലിക്, പുതിയ പ്രതീക്ഷ
- മറ്റ് ടീമുകൾ കോടികൾ മുടക്കി സൂപ്പർ പേസർമാരെ വിലക്കെടുത്തപ്പോൾ ഹൈദരാബാദ് ഒരു പേസ് പട തന്നെ സൃഷ്ടിച്ചു: ഐപിഎല്ലിലെ ഹൈദരാബാദ് മോഡൽ
അപമാനത്തിന് പലിശയടക്കം വീട്ടണം, ഡൽഹി -ഹൈദരാബാദ് മത്സരത്തിൽ എല്ലാ കണ്ണുകളും വാർണറിൽ
ഇന്ന് നടക്കുന്ന ഹൈദരാബാദ് ഡൽഹി പോരാട്ടത്തിൽ ആരാധകർ ഉറ്റുനോക്കുന്നത് ഓസീസ് താരം ഡേവിഡ് വാർണറുടെ പ്രകടനം.
ഐപിഎല്ലിൽ അപമാനിതനായി പുറത്തുവിട്ടത്തിന്റെ കണക്ക് ഡേവിഡ് വാർണർ ഇന്ന് കളിക്കളത്തിൽ തീർക്കുമോ എന്ന ആകാംക്ഷയിലാണ് ആരാധകർ. ഹൈദരാബാദിന്റെ എക്കാലത്തെയും മികച്ച താരമായിരുന്നെങ്കിലും ടീമിൽ പോലും ഇടമില്ലാതെ അപമാനിതനായിട്ടായിരുന്നു ഹൈദരാബാദിൽ നിന്നുമുള്ള വാർണറുടെ മടക്കം.
ഓറഞ്ച് ആര്മിക്കായി 95 കളിയിൽ 4014 റൺസടിച്ചുകൂട്ടിയ ഡേവിഡ് വാര്ണര് ക്രീസിന് പുറത്ത് ആരാധകരുടെ മനസ്സിലും ഇഷ്ടതാരമാണ്. 2014 മുതൽ തുടർച്ചയായി ആറ് സീസണുകളിൽ ഹൈദരാബാദിനായി 500 റൺസിന് മുകളിൽ കണ്ടെത്തിയെങ്കിലും ഒരൊറ്റ മോശം സീസണിനെ തുടർന്ന് താരം പുറത്താവുകയായിരുന്നു.
ടീം മാനേജ്മെന്റിൽ നിന്നും മുറിവേറ്റ വാർണർ പഴയ ടീമിനെതിരെ ഇന്ന് വീണ്ടും കളിക്കുമ്പോൾ തന്നെ അപമാനിതനാക്കിയതിന്റെ കണക്കുകൾ എണ്ണി എണ്ണി ചോദിക്കുമെന്നാണ് ക്രിക്കറ്റ് ലോകവും കരുതുന്നത്. ഹൈദരാബാദ് കൈവിട്ടതിന് ശേഷമുള്ള ആദ്യ പോരില് ഓറഞ്ച് പടയ്ക്കെതിരെ റാഷിദ് ഖാന് ഗുജറാത്തിന്റെ വിജയശിൽപ്പിയായിരുന്നു. സമാനമായ ഒരു പ്രകടനമാണ് ഡേവിഡ് വാർണറിൽ നിന്നും ആരാധകർ പ്രതീക്ഷിക്കുന്നത്.
