ഹൃദയ ശസ്‌ത്രക്രിയയ്ക്ക് ശേഷം അപകടനില തരണം ചെയ്)തുവെങ്കിലും ന്യൂസിലൻഡ് ഓൾറൗണ്ടർ ക്രിസ് കെയ്‌ൻസിന്റെ കാലുകൾ തളർന്നു. ഹൃദയശസ്‌ത്രക്രിയക്കിടയിൽ നട്ടെല്ലിൽ ഉണ്ടായ സ്ടോക്കിനെ തുടർന്നാണ് കാലുകളുടെ ചലനം നഷ്ടപ്പെട്ടത്.

കാലുകൾ തളർന്നതോടെ കെയ്‌ൻസ് ഓസ്ട്രേലിയയിലെ സ്പെഷ്യലിസ്റ്റ് സ്പൈനൽ ആശുപത്രിയിൽ കെയ്‌ൻ ചികിത്സ തേടും. നിലവിൽ ശസ്‌ത്രക്രിയയ്ക്ക് ശേഷം ജീവൻ രക്ഷാ ഉപകരണങ്ങളില്ലാതെ കെയ്‌ൻസ് ശ്വസിക്കുന്നുണ്ട്. അതേസമയം കെയ്‌ൻസിന് വേണ്ട ചികിത്സകൾ എല്ലാം തന്നെ നൽകുന്നുണ്ടെന്നും പ്രാർത്ഥനകൾക്ക് നന്ദിയുണ്ടെന്നും കെയ്‌ൻസിന്റെ കുടുംബം പറഞ്ഞു. ഹൃദയധമനികൾ പൊട്ടിയുള്ള രക്തസ്രാവത്തെ തുടർന്നാണ് കെയ്‌ൻസിനെ ഓഗസ്റ്റ് ആദ്യവാരം ആശുപത്രിയിൽ പ്രവേശിപ്പിച്ചത്.

ലോകത്തിലെ ഏറ്റവും മികച്ച ഓൾ റൗണ്ടർമാരിൽ ഒരാളായി കണക്കാക്കുന്ന ക്രിസ് കെയ്‌ൻസ് 1990 മുതൽ 2006 വരെയുള്ള കാലയളവിൽ 62 ടെസ്റ്റുകളിലും 215 ഏകദിനങ്ങളിലും കളിച്ചിട്ടുണ്ട്. 3320 റൺസാണ് ടെസ്റ്റിൽ സമ്പാദ്യം 218 വിക്കറ്റുകളും വീഴ്‌ത്തി. ഏകദിനത്തിൽ 4950 റൺസും 201 വിക്കറ്റും കെയ്‌ൻസിന്റെ പേരിലുണ്ട്.