ഇംഗ്ലണ്ടിനെതിരായ നാലാം ടെസ്റ്റ് മത്സരത്തില്‍ ഇന്ത്യയുടെ ജസ്പ്രീത് ഉമ്ര കളിക്കില്ലെന്ന് റിപ്പോര്‍ട്ട്. അമിത ജോലിഭാരം കണക്കിലെടുത്ത് താരത്തിന് വിശ്രമം അനുവദിക്കുമെന്നാണ് റിപ്പോര്‍ട്ടുകള്‍. ഈ മാസം 23 മുതല്‍ റാഞ്ചിയിലാണ് നാലാം ടെസ്റ്റ് മത്സരം ആരംഭിക്കുന്നത്. 2 മത്സരങ്ങള്‍ വിജയിച്ച ഇന്ത്യ പരമ്പരയില്‍ 2-1ന് മുന്നിലാണ്.

നേരത്തെ മുഹമ്മദ് സിറാജിന് രണ്ടാം ടെസ്റ്റില്‍ ഇന്ത്യ വിശ്രമം അനുവദിച്ചിരുന്നു. പരമ്പരയില്‍ ഇന്ത്യയ്ക്ക് നിലവില്‍ മേല്‍ക്കെ ഉള്ളതിനാല്‍ നാലാം ടെസ്റ്റില്‍ താരത്തിന് വിശ്രമം നല്‍കാനാണ് ടീം ആലോചിക്കുന്നത്. പരമ്പരയില്‍ 17 വിക്കറ്റുകള്‍ വീഴ്ത്തിയ ബുമ്രയ്ക്കാണ് ഏറ്റവുമധികം വിക്കറ്റുകള്‍ ഈ സീരീസിലുള്ളത്. ബുമ്ര പുറത്തുപോകുകയാണെങ്കില്‍ നാലാം ടെസ്റ്റില്‍ മുകേഷ് കുമാറാകും താരത്തിന് പകരം കളിക്കുക.