1. കായികം
  2. ക്രിക്കറ്റ്‌
  3. ക്രിക്കറ്റ്‌ വാര്‍ത്ത
  4. Ashwin should play in 4th and 5th test says michael vaughen

അശ്വിനെ അടുത്ത രണ്ട് ടെസ്റ്റിലും കളിപ്പിക്കണമെന്ന് മൈക്കൽ വോൺ

ആർ അശ്വിൻ
സ്പിന്നർ ആർ അശ്വിനെ അടുത്ത രണ്ട് ടെസ്റ്റ് മത്സരങ്ങളിലും ഇന്ത്യ കളിപ്പിക്കണമെന്ന് മുൻ ഇംഗ്ലണ്ട് നായകൻ മൈക്കൽ വോൺ. അവസാന ടെസ്റ്റുകൾ നടക്കുന്ന ഓവലും മാഞ്ചസ്റ്ററും പരമ്പരാഗതമായി  കൂടുതല്‍ സ്പിന്നിനെ തുണക്കുന്ന പിച്ചുകളാണെന്നും ഈ സാഹചര്യത്തിലും അശ്വിന് ഇന്ത്യ അവസരം ന‌ൽകാതിരുന്നാൽ അത് തന്നെ അത്ഭുതപ്പെടുത്തുമെന്നും വോൺ പറഞ്ഞു.
 
നീണ്ട വാലറ്റമാണ് ഇന്ത്യയുടെ പരാജയം എളുപ്പമാക്കിയത്. ലോര്‍ഡ്‌സില്‍ വാലറ്റം മികച്ച പ്രകടനം പുറത്തെടുത്തുകൊണ്ടാണ് ഇന്ത്യ ജയിച്ചത്. എന്നാല്‍ ലീഡ്‌സില്‍ അവര്‍ അമ്പേ പരാജയപ്പെട്ടു. ഇന്ത്യയ്ക്ക് പോസിറ്റീവായി ഒന്നും തന്നെ മൂന്നാം ടെസ്റ്റിലില്ല. പൂജാര റണ്‍സ് നേടിയെന്നതുകൊണ്ട് അടുത്ത ടെസ്റ്റില്‍ അദ്ദേഹത്തിന് ആത്മവിശ്വാസത്തോടെ ഇറങ്ങാനാവുമെന്ന് മാത്രം. 
 
അടുത്ത ടെസ്റ്റിൽ പൂജാര സ്ഥാനം നിലനിർത്തും. എന്നാൽ ടെസ്റ്റിലെങ്കിലും അശ്വിനെ കളിപ്പിക്കാന്‍ ഇന്ത്യ തയാറാവണം. കാരണം നാല് വാലറ്റക്കാരെക്കൊണ്ട് എല്ലാ മത്സരങ്ങളിലും ഇറങ്ങാനാവില്ല. ലോർഡ്‌സിൽ ഈ വാലറ്റക്കാർ രക്ഷപ്പെട്ടു. പക്ഷേ ഇത്തവണ ലീഡ്‌സിൽ അവർ അമ്പേ പരാജയപ്പെട്ടു. അഞ്ച് ടെസ്റ്റ് സെഞ്ചുറിയും 400 വിക്കറ്റും നേടിയിട്ടുള്ള അശ്വിനെ അടുത്ത ടെസ്റ്റിലെങ്കിലും കളിപ്പിക്കാന്‍ ഇന്ത്യ തയാറാവണം. വോൺ പറഞ്ഞു.
അടുത്ത ലേഖനം
അജിങ്ക്യ രഹാനെ പുറത്തിരിക്കും, പകരം സൂര്യകുമാര്‍ യാദവോ ഹനുമ വിഹാരിയോ; അശ്വിനും സാധ്യത