എന്റെ ക്യാപ്‌റ്റൻസി നന്നായതിന് കാരണം അതാണ്: മനസ് തുറന്ന് രഹാനെ

അഭിറാം മനോഹർ| Last Modified ബുധന്‍, 20 ജനുവരി 2021 (15:35 IST)
ഓസ്ട്രേലിയക്കെതിരെയുള്ള ടെസ്റ്റ് പരമ്പരയിൽ 2-1ന്റെ വിജയം സ്വന്തമാക്കിയതോടെ ആരാധകരുടെ പ്രിയ നായകനായി മാറിയിരിക്കുകയാണ് അജിങ്ക്യ രഹാനെ. ടെസ്റ്റ് ക്രിക്കറ്റിൽ ഇതുവരെ ഇന്ത്യയെ നയിച്ച അഞ്ച് മത്സരങ്ങളിൽ ഒരിക്കൽ പോലും ടീം പരാജയപ്പെട്ടിട്ടില്ല എന്ന റെക്കോർഡ് കൂടി രഹാനെയുടെ പേരിലുണ്ട്.

ഓസീസിനെതിരെയുള്ള സീരീസിൽ ആദ്യ ടെസ്റ്റിലെ തോൽവിക്ക് ശേഷമാണ് രഹാനെ നായകനായി ചുമതലയേറ്റത്. തുടർന്ന് പ്രതികൂല സാഹചര്യങ്ങളും പരിക്കും എല്ലാം തളർത്തിയിട്ടും ഇന്ത്യക്ക് എക്കാലവും അഭിമാനിക്കാവുന്ന ടെസ്റ്റ് പരമ്പര വിജയവും രഹാനെ സമ്മാനിച്ചു. ഇപ്പോളിതാ ടെസ്റ്റ് പരമ്പര സ്വന്തമാക്കിയശേഷം ടീമിന്റെ വിജയത്തിന്റെ ക്രെഡിറ്റ് ടീമംഗങ്ങൾക്കും സപ്പോർട്ട് സ്റ്റാഫിനും നൽകിയിരിക്കുകയാണ് രഹാനെ. തന്റെ ക്യാപ്‌റ്റൻസി മികച്ചതായി തോന്നാൻ കാരണം ടീമിന്റെ കൂട്ടായ പ്രവർത്തനം മാത്രമാണെന്നും രഹാനെ പറഞ്ഞു.



ഇതിനെക്കുറിച്ച് കൂടുതല്‍ വായിക്കുക :