ഇന്ത്യന് പ്രീമിയര് ലീഗില്‍ ഇന്ന്‌ ബാംഗ്ലൂര് റോയല്‍ ചാലഞ്ചേഴ്സും ഡല്ഹി ഡെയര്‍ ഡെവിള്‍സും തമ്മില്‍ ഏറ്റുമുട്ടും. സൂപ്പര്‍ താരം കെവിന്‍ പീറ്റേഴ്സണില്ലാതെയാണ് ഡല്‍ഹിയിറങ്ങുന്നത്.
പീറ്റേഴ്സണിന്റെ വിരലിനേറ്റ പരിക്കാണ് മത്സരത്തില്‍ നിന്ന് വിട്ട് നില്‍ക്കാന്‍ കാരണം. പരിക്ക് ഭേദമാകാന്‍ കുറച്ചു ദിവസം കൂടി വേണ്ടി വരും. ഇതിനാല്‍ ദിനേഷ്‌ കാര്‍ത്തിക്‌ ആയിരിക്കും ഡല്ഹി ടീമിനെ നയിക്കുന്നത്‌. പുതിയ ക്യാപ്റ്റന്‍ പീറ്റേഴ്സന്റെയും പുതിയ കോച്ച്‌ ഗാരി കിര്‍സ്റ്റന്റെയും നേതൃത്വത്തില്‍ ഈ സീസണില്‍ വിജയം കുറിക്കാ‍നാണ് ഡല്ഹി ഇറങ്ങുന്നത്.
താരസമ്പന്നമായ ടീമാണ് ബാംഗ്ലൂര് വിരാട്‌ കോഹ്‌ലി, ക്രിസ്‌ ഗെയ്‌ല്‍, എബി ഡിവില്ലിയേഴ്സ്‌ തുടങ്ങിയവരാണ് അവരുടെ ശക്തി. 4 കോടി രൂപ മുടക്കി യുവരാജിനെ വാങ്ങിയതും ബാംഗ്ലൂരാണ്. യുവരാജിന്‌ ഇതു തിരിച്ചുവരവിനുള്ള വേദി കൂടിയാണ്‌.
