ഇംഗ്ലണ്ടും ഓസ്ട്രേലിയയും തമ്മില് വര്‍ഷങ്ങളായി നടന്നുവരുന്ന ടെസ്റ്റ് ക്രിക്കറ്റ് മത്സരമാണ് ആഷസ്. ആഷസ് പോലെയൊരു മത്സരം ഇന്ത്യയും പാകിസ്ഥാനും തമ്മില് നടന്നാല്‍?.
നിര്‍ദ്ദേശം മുന്നോട്ട് വച്ചത് പാക് ക്രിക്കറ്റ് ബോര്‍ഡാണ്. ഇരു രാഷ്ടപിതാവിന്റെയും പേരുകളും(ഗാന്ധി-ജിന്ന ട്രോഫി) പരമ്പരയ്ക്കിടാമെന്ന് പിസിബി അഭിപ്രായപ്പെട്ടു.
ഇന്റെര്‍നാഷണല്‍ ക്രിക്കറ്റ് കൌണ്‍സില്‍ ദുബായ് മീറ്റിംഗിലാണ് പാക് ക്രിക്കറ്റ് ബോര്‍ഡ് ചീഫ് ഈ പ്രൊപ്പോസല്‍ മുന്നോട്ട് വച്ചത്.
ബിസിസിഐ അനുകൂലമായ മറുപടി തല്‍ക്കാലം നല്‍കിയിട്ടില്ലെന്നാണ് സൂചന. പാക് സൈനികര്‍ ഇന്ത്യന്‍ സൈനികന്റെ തലയറുത്ത് വധിച്ച സംഭവം നയതന്ത്രബന്ധത്തോടൊപ്പം കായിക സൌഹൃദത്തെയും ബാധിച്ചിരുന്നു.
അന്താരാഷ്ട്രതലത്തില്‍ത്തന്നെ നടക്കുന്ന ഏറ്റവും വാശിയേറിയതും ആഘോഷിക്കപ്പെടുന്നതുമായ ഒരു മത്സരമാണ് ഇന്ത്യ-പാക് മത്സരം.അനേകം ആരാധകരാണ് മത്സരങ്ങള്‍ ആസ്വദിക്കാന്‍ ഇരുരാജ്യങ്ങളില്‍ നിന്നും എത്തുന്നത്.
