ഇംഗ്ലണ്ടിനെതിരായ അവസാന ആഷസ് ടെസ്റ്റില്‍ ഓസ്ട്രേലിയയുടെ സ്റ്റീവന് സ്മിത്തിനും(138) സെഞ്ച്വറി. നേരത്തെ ഷെയ്‌ന്‍ വാട്സനും സെഞ്ച്വറി നേടിയിരുന്നു. ഈ വെടിക്കെട്ട് ബാറ്റിംഗില്‍ ഓസ്ട്രേലിയ 492 റണ്‍സെടുത്തു.
രണ്ടാം ദിവസം ആദ്യ സെഷന്‍ മഴമൂലം മുടങ്ങിയെങ്കിലും ചായയ്ക്കു പിന്നാലെ ഓസ്ട്രേലിയ ഒന്‍പതു വിക്കറ്റിന്‌ 492 റണ്‍സെടുത്ത്‌ ബാറ്റിംഗ് ഡിക്ലയര്‍ ചെയ്യുകയായിരുന്നു. വെളിച്ചക്കുറവു മൂലം രണ്ടാംദിവസം കളി നേരത്തെ അവസാനിപ്പിക്കുമ്പോള്‍ ഇംഗ്ലണ്ട്‌ വിക്കറ്റ് നഷ്ടപ്പെടാതെ 32 റണ്‍സ്‌ എടുത്തിട്ടുണ്ട്‌.
ടെസ്റ്റില്‍ കന്നി സെഞ്ചുറി കണ്ടെത്തിയ സ്മിത്തിന്റെ മികവാണ്‌ ഓസ്ട്രേലിയയെ മികച്ച സ്കോറിലെത്തിച്ചത്‌. സ്മിത്ത് 138 റണ്‍സെടുത്തു പുറത്താകാതെ നിന്നു. ഇംഗ്ലണ്ടിന്റെ ആന്‍ഡേഴ്സന്‍ നാലു വിക്കറ്റ് വീഴ്ത്തി.
