അനുബന്ധ വാര്ത്തകള്
- മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി സിഎം രവീന്ദ്രനെ വെളളിയാഴ്ച എന്ഫോഴ്സ്മെന്റ് ചോദ്യം ചെയ്യും
- സോപ്പ് ഉപയോഗിയ്ക്കുമ്പോൾ ഇക്കാര്യങ്ങൾ ശ്രദ്ധിയ്ക്കാറുണ്ടോ ? അറിയു !
- മനസ്സാണ് ഇവരുടെ ആയുധം, മനസ്സുവച്ചാൽ ഇവർ എന്തും നേടും !
- പുത്തൻ ഇന്നോവ ക്രിസ്റ്റ ഫെയ്സ്ലിഫ്റ്റ് ഇന്ത്യൻ വിപണിയിൽ, വില 16.26 ലക്ഷം മുതൽ
- റെഡ്മി നോട്ട് 9 പ്രോ 5G വിപണിയിലേയ്ക്ക്, വില 12,000ൽ താഴെയെന്ന് റിപ്പോർട്ടുകൾ
കോവിഡ് ഡെഡ്ബോഡി മാനേജ്മെന്റ് മാര്ഗനിര്ദേശങ്ങള് പുതുക്കി; അടുത്ത ബന്ധുക്കള്ക്ക് അത്യാവശ്യ സംസ്കാര ചടങ്ങുകള് നടത്താന് അനുമതി
തിരുവനന്തപുരം: കോവിഡ്-19 ബാധിച്ച് മരണമടയുന്നയാളുടെ മൃതദേഹം കൈകാര്യം ചെയ്യുന്നത് സംബന്ധിച്ച് മാര്ഗനിര്ദേശങ്ങള് പുതുക്കിയതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. പുതുക്കിയ മാര്ഗനിര്ദേശങ്ങളനുസരിച്ച് അടുത്ത ബന്ധുക്കള്ക്ക് ഐസൊലേഷന് വാര്ഡിലും മോര്ച്ചറിയിലും സംസ്കാര സ്ഥലത്തുവച്ചും കോവിഡ് സുരക്ഷാ മാനദണ്ഡങ്ങള് പാലിച്ചുകൊണ്ട് മൃതദേഹം കാണാവുന്നതാണ്. കോവിഡ് മാനദണ്ഡങ്ങള് കൃത്യമായി പാലിച്ചുകൊണ്ട് പ്രാദേശികവും മതാചാര പ്രകാരമുള്ളതുമായ അത്യാവശ്യ ചടങ്ങുകള് നടത്താനുള്ള അനുമതി നല്കിയിട്ടുണ്ടെന്നും മന്ത്രി വ്യക്തമാക്കി.
കോവിഡ് രോഗി മരണപ്പെട്ടാല് ജീവനക്കാര് മൃതദേഹം വൃത്തിയാക്കുന്ന സമയത്ത് ആവശ്യപ്പെടുകയാണെങ്കില് ഒരു അടുത്ത ബന്ധുവിനെ അവിടെ പ്രവേശിക്കാന് അനുവദിക്കും. പ്രതീകാത്മകമായരീതിയില് മതപരമായ പുണ്യജലം തളിക്കാനും വെള്ള തുണി കൊണ്ട് പുതയ്ക്കാനും അദ്ദേഹത്തെ അനുവദിക്കും. അതേസമയം മൃതദേഹം യാതൊരു കാരണവശാലും സ്പര്ശിക്കാനോ കുളിപ്പിക്കാനോ ആലിംഗനം ചെയ്യാനോ അന്ത്യ ചുംബനം നല്കാനോ അനുവദിക്കില്ല. മൃതദേഹം വൃത്തിയാക്കിയ ശേഷം അടുത്ത ബന്ധുക്കള്ക്ക് ഐസൊലേഷന് വാര്ഡില് വച്ച് മൃതദേഹം കാണാന് അനുവദിക്കും. മോര്ച്ചറിയില് വച്ചും ആവശ്യപ്പെടുന്നെങ്കില് അടുത്ത ബന്ധുവിനെ കാണാന് അനുവദിക്കും.
