ടെര്മിനേറ്റര് സിനിമകളിലൂടെ ലോകമൊട്ടുക്ക് ആരാധകരുള്ള ‘മസില്‍മാന്‍’ അര്‍നോള്‍ഡ് ഷ്വാസ്നഗറിന്റെ നീണ്ട ഇരുപത്തിയഞ്ച് കൊല്ലത്തെ ദാമ്പത്യം പൊളിച്ചടുക്കിയത് വേലക്കാരിയുമായുള്ള ബന്ധം. ഭാര്യ മരിയ ഷ്രിവറിന്റെ മൂക്കിന് താഴെ ടെര്മിനേറ്റര് നടത്തിയ പ്രണയകേളിയില്‍ വേലക്കാരിക്ക് പത്ത് വയസുള്ള ഒരു പയ്യനുമുണ്ട്. ഷ്വാസ്നഗറിന്റെ വീട്ടിലെ ജോലി ഉപേക്ഷിച്ച് വേലക്കാരി ഇപ്പോള്‍ വിശ്രമ ജീവിതം വയിക്കുകയാണെങ്കിലും ഈയടുത്താണ് ഷ്വാസ്നഗറിന്റെ വിവാഹേതരബന്ധത്തെ പറ്റി മരിയ അറിഞ്ഞത്. ഇതാണ് വിവാഹമോചനത്തില്‍ എത്തിച്ചിരിക്കുന്നത്.
കാലിഫോര്‍ണിയ ഗവര്‍ണര്‍ പദവി ഒഴിഞ്ഞ് വീണ്ടും സിനിമയില്‍ സജീവമാകാന്‍ തുടങ്ങുന്നതിന് ഇടയിലാണ് ഷ്വാസ്നഗര് തന്റെ ഭാര്യയായ മരിയ ഷ്രിവറെ ‘ടെര്‍മിനേറ്റ്’ ചെയ്യാന്‍ പോകുന്നു എന്ന വാര്‍ത്ത മാധ്യമങ്ങളില്‍ നിറഞ്ഞത്. ഏറെ നാളത്തെ ചര്‍ച്ചകള്‍ക്കും ചിന്തയ്ക്കും ശേഷമാണ് തങ്ങള്‍ ഇങ്ങിനെയൊരു തീരുമാനം എടുത്തതെന്നാണ് ഷ്വാസ്നഗറും മരിയ ഷ്രിവറും പറഞ്ഞിരുന്നത്. എന്നാല്‍, തങ്ങള്‍ പിരിയുന്നതിന്റെ കാരണം തന്റെ വിവാഹേതരബന്ധം ആണെന്ന് ഷ്വാസ്നഗര് തന്നെ മാധ്യമങ്ങളെ അറിയിക്കുകയായിരുന്നു. തനിക്ക് ഒരിക്കല്‍ കൂടി മാപ്പുതരണമെന്ന് ഭാര്യയോട് ഷ്വാസ്നഗര് അപേക്ഷിക്കുകയും ചെയ്തു.
മുന്‍ അമേരിക്കന്‍ പ്രസിഡന്റ് ജോണ്‍ എഫ് കെന്നഡിയുടെ അനന്തരവളാണ് മാധ്യമപ്രവര്‍ത്തകയായ മരിയ ഷ്രിവര്‍. ബ്രെന്റ്‌വുഡില്‍ പണികഴിപ്പിച്ചിരിക്കുന്ന 11,000 ചതുരശ്ര അടിയിലുള്ള വീട്ടിലാണ് ഷ്വാസ്നഗര് കുടുംബം പാര്‍ക്കുന്നത്. ദമ്പതികള്‍ക്ക് പതിനാലിനും ഇരുപത്തൊന്നിനും ഇടയില്‍ പ്രായമുള്ള നാല് മക്കളുണ്ട്. നീണ്ട ഇരുപത്തിയഞ്ച് വര്‍ഷത്തെ ദാമ്പത്യത്തിന് ശേഷമാണ് ഇരുവരും വേര്‍പിരിയാന്‍ തീരുമാനിച്ചത്. അറുപത്തിമൂന്ന് വയസുണ്ട് ഷ്വാസ്നഗര്‍ക്ക്. മരിയയ്ക്കാകട്ടെ അമ്പത്തഞ്ചും
നാല്‍‌പതിലധികം സിനിമകളില്‍ അഭിനയിച്ചിട്ടുണ്ടെങ്കിലും ടെര്മിനേറ്റര് സീരീസിലെ പ്രകടനമാണ് ഷ്വാസ്നഗറുടെ പ്രശസ്തി വാനോളം ഉയര്‍ത്തിയത്. ഇതുവരെ നാല് ടെര്മിനേറ്റര് സിനിമകളാണ് പുറത്ത് വന്നിരിക്കുന്നത്. ഇതില്‍ മൂന്നിലും ഷ്വാസ്നഗറായിരുന്നു നായകന്‍. നാലാമത്തെ ടെര്‍മിനേറ്ററില്‍ ഷ്വാസ്നഗര് പ്രത്യക്ഷപ്പെടുന്നുണ്ടെങ്കിലും അതൊരു ആനിമേഷന്‍ കഥാപാത്രമായിരുന്നു. ഇപ്പോള്‍ ടെര്മിനേറ്റര് സീരീസിലെ അഞ്ചാമത്തെ ചിത്രം നിര്‍മിക്കാനുള്ള പുറപ്പാടിലാണ് യൂനിവേഴ്സല്‍ സ്റ്റുഡിയോ. നായനായി എത്തുന്നത് ഷ്വാസ്നഗര് തന്നെ.
സിനിമയില്‍ അഭിനയിക്കുന്ന സമയത്ത് ഷ്വാസ്നഗറിന് പല സ്ത്രീകളുമായും അവിഹിത ബന്ധം ഉണ്ടായിരുന്നു എന്ന് പലപ്പോഴും മരിയ കുറ്റപ്പെടുത്തിയിരുന്നു. എന്നാല്‍ അപ്പോഴൊക്കെ കാലില്‍ വീണ് മാപ്പപേക്ഷിക്കുകയും ഇനിയങ്ങിനെ ഉണ്ടാകില്ലെന്ന് ആണയിടുകയും ചെയ്തതിനാല്‍ ടെര്‍മിനേറ്റ് ആകാതെ ടെര്മിനേറ്റര് രക്ഷപ്പെടുകയായിരുനു. എന്നാല്‍, തന്റെ സാന്നിധ്യത്തില്‍ സ്വന്തം വീട്ടില്‍ വച്ച് വേലക്കാരിയുമായി ലൈംഗികബന്ധം പുലര്‍ത്തിയിരുന്ന ഷ്വാസ്നഗര്‍ക്ക് ഇത്തവണ മാപ്പ് കൊടുക്കാന്‍ പറ്റില്ല എന്നാണ് മരിയ പറയുന്നത്.
