മോഹന്‍ലാലിന്‍റെ ജനതാ ഗാരേജ് എന്ന തെലുങ്ക് ചിത്രത്തില്‍ വില്ലന്‍ ഉണ്ണി മുകുന്ദനാണ്. ഉണ്ണിയെ ചിത്രത്തിലേക്ക് നിര്‍ദ്ദേശിച്ചത് മോഹന്‍ലാല്‍ തന്നെയാണ്. അത് എന്തുകൊണ്ടായിരിക്കാം മോഹന്‍ലാല്‍ തന്‍റെ വില്ലനായി ഉണ്ണിയെ നിര്‍ദ്ദേശിച്ചത്? അതിന് ഉത്തരം ഒരു ആക്ഷന്‍ സീന്‍ നല്‍കും.
എസ് ബിനു സംവിധാനം ചെയ്ത സ്റ്റൈല്‍ എന്ന സിനിമയിലെ ഒരു ആക്ഷന്‍ ചിത്രം ഇപ്പോള്‍ യൂട്യൂബില്‍ തരംഗമായി മാറിയിരിക്കുകയാണ്. ഉണ്ണി മുകുന്ദനും ടോവിനോ തോമസും ഉള്‍പ്പെടുന്ന ഒരു ആക്ഷന്‍ രംഗമാണ് ത്രസിപ്പിക്കുന്ന രീതിയില്‍ ചിത്രീകരിച്ചിരിക്കുന്നത്.
ഈ ആക്ഷന്‍ രംഗങ്ങള്‍ കണ്ടാല്‍ മനസിലാകും എന്തുകൊണ്ടാണ് വില്ലനായി മോഹന്‍ലാല്‍ ഉണ്ണിയെ തന്നെ നിര്‍ദ്ദേശിച്ചതെന്ന്. അത്ര ഗംഭീരമായാണ് ഉണ്ണി ഈ രംഗത്ത് പെര്‍ഫോം ചെയ്തിരിക്കുന്നത്.
സ്റ്റൈല്‍ എന്ന സിനിമ തിയേറ്ററുകളില്‍ പരാജയമായിരുന്നു. എന്നാല്‍ വളരെ സ്റ്റൈലിഷായ ചിത്രീകരിച്ച ഒരു സിനിമ തന്നെയായിരുന്നു അത്. ഈ ആക്ഷന്‍ രംഗം തന്നെ ഇതിനോടകം യൂട്യൂബില്‍ 19 ലക്ഷത്തോളം പേര്‍ കണ്ടുകഴിഞ്ഞു.
