മലയാളത്തിലെ പ്രമുഖ സംവിധായകരായ ഷാജി കൈലാസും വിനയനും വീണ്ടും തമിഴിലേക്ക്. ഇരുവരും തമിഴില്‍ റീമേക്ക് ചിത്രങ്ങളാണ് ഒരുക്കുന്നത്.
ഹിന്ദി ചിത്രമായ അബ് തക് ഛപ്പന്‍റെ റീമേക്കാണ് ഷാജി കൈലാസ് തമിഴില്‍ അവതരിപ്പിക്കുക. കടമൈ കന്നിയം കട്ടുപ്പാട് എന്നാണ് ചിത്രത്തിന് പേരിട്ടിരിക്കുന്നത്. ആര്‍ കെയാണ് നായകന്‍. മമ്മൂട്ടിച്ചിത്രമായ ആഗസ്റ്റ് 15 പൂര്‍ത്തിയാക്കിയതിന് ശേഷമാണ് ഷാജി കൈലാസ് തമിഴ് ചിത്രത്തിന്റെ ജോലികള്‍ തുടങ്ങിയത്.
വിനയന് സ്വന്തം ചിത്രമായ രഘുവിന്റെ സ്വന്തം റസിയ ആണ് തമിഴില്‍ റീമേക്ക് ചെയ്യുന്നത്. മേഘ്നയും മുരളീകൃഷ്ണയുമാണ് ചിത്രത്തിലെ നായികാനായകന്‍‌മാര്‍.
വിനയന്റെ അഞ്ചാമത്തെ തമിഴ് ചിത്രമാണ് കാതല്‍ വേദം എന്ന് പേരിട്ടിരിക്കുന്ന ഈ റേമേക്ക്. അദ്ഭുതദ്വീപിന്റെ റീമേക്കാണ് വിനയന് തമിഴില്‍ ഒടുവില്‍ ചെയ്ത ചിത്രം.
ആഗസ്റ്റ് 15 ഉം രഘുവിന്റെ സ്വന്തം റസിയയും ഉടന്‍ കേരളത്തില്‍ പ്രദര്‍ശനത്തിനെത്തും.
