മസിലളിയൻ കുടവയറനായി, ഉണ്ണി മുകുന്ദന്‍റെ 'മേപ്പടിയാൻ' പക്കാ ഫാമിലി എന്‍റർടെയ്‌നർ !

കെ ആര്‍ അനൂപ്| Last Modified തിങ്കള്‍, 15 ഫെബ്രുവരി 2021 (23:06 IST)
നായകനായെത്തുന്ന 'മേപ്പടിയാൻ' സെക്കൻഡ് ലുക്ക് ശ്രദ്ധ നേടുന്നു. 'മല്ലുസിംഗ്' മുതൽ മസിൽ അളിയൻ എന്ന് സ്നേഹത്തോടെ ആരാധകർ വിളിച്ചിരുന്ന നടൻ ശരീരം ഭാരം വർധിപ്പിച്ച രൂപത്തിലാണ് ഈ ചിത്രത്തിൽ കാണുന്നത്. മുടി നീട്ടി വളർത്തി വയറു ചാടി ഇതുവരെ കാണാത്ത വ്യത്യസ്ത ലുക്കിലാണ് താരം. മെക്കാനിക്കായ ജയകൃഷ്ണൻ എന്ന നാട്ടിൻപുറത്തുകാരനായാണ് ഉണ്ണിമുകുന്ദൻ ചിത്രത്തിലെത്തുന്നത്.

അഞ്‌ജു കുര്യൻ ആണ് നായിക. കുടുംബ പ്രേക്ഷകർക്ക് ഇഷ്ടപ്പെടുന്ന എല്ലാ ഘടകങ്ങളും ചിത്രത്തിലുണ്ടാകും. തന്റെ ജീവിതത്തിലെ അപ്രതീക്ഷിത സംഭവങ്ങളെ എങ്ങനെ മറികടക്കുന്നു എന്നതാണ് കഥ. ഇന്ദ്രൻസ്, സൈജു കുറുപ്പ്, അജു വർഗീസ്, അഞ്ജു കുര്യൻ, വിജയ് ബാബു, മേജർ രവി, കലാഭവൻ ഷാജോൺ, ശ്രീജിത് രവി, അപർണ ജനാർദ്ദനൻ, നിഷ സാരംഗ്, കോട്ടയം രമേഷ്, പോളി വൽസൻ തുടങ്ങിയവരാണ് ചിത്രത്തിൽ പ്രധാന വേഷങ്ങളിലെത്തുന്നത്. വിഷ്ണു മോഹൻ തിരക്കഥയെഴുതി സംവിധാനം ചെയ്യുന്ന ചിത്രം നിർമ്മിക്കുന്നത് ഉണ്ണിമുകുന്ദൻ തന്നെയാണ്.



ഇതിനെക്കുറിച്ച് കൂടുതല്‍ വായിക്കുക :