മലയാളത്തിന്റെ സൂപ്പർതാരം സുരേഷ് ഗോപിയുടെ മകൻ ഗോകുൽ സുരേഷിന്റെ ആദ്യ സിനിമയായ മുദ്ദുഗൗവിന്റെ ട്രെയിലർ പുറത്തിറങ്ങി. നവാഗതനായ വിപിൻ ദാസ് സംവിധാനവും തിരക്കഥയും നിർവഹിക്കുന്ന ചിത്രത്തിൽ നായികയായിഎത്തുന്നത് നടൻ വിജയകുമാറിന്റെ മകൾ അർത്ഥനയാണ്. ഇരുവരുടേയും ആദ്യ സിനിമയാണ് മുദ്ദുഗൗ.

ഫ്രൈഡേ ഫിലിം ഹൗസും കാർണിവൽ മോഷൻ പിക്ചേർഴ്സും ഒരുമിച്ചൊരുക്കുന്ന ചിത്രത്തിന്റെ നിർമാണം വിജയ് ബാബുവും സാന്ദ്രാ തോമസുമാണ്. രാഹുൽ രാജാണ് സംഗീതം നിർവഹിക്കുന്നത്. ട്രെയിലറിൽ തന്നെ പുതുമ നിറഞ്ഞിരിക്കുകയാണ്. സൂപ്പർ ഹിറ്റായ സിനിമകളുടെ ഡയലോഗുകളും താരങ്ങ‌ളുടെ പേരും മാത്രം ഉപയോഗിച്ച് കൊണ്ടാണ് ട്രെയിലർ ഒരുക്കിയിരിക്കുന്നതെന്നതും ശ്രദ്ധേയമാണ്. പുതിയ ഹാസ്യതാരങ്ങളില്‍ മുന്നില്‍ നില്‍ക്കുന്ന സൗബീന്‍ ഷാഹിറും ഹരീഷും ഗോകുലിനൊപ്പം ചിത്രത്തിലുണ്ട്.



ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം