ഇത് ഷൈന്‍ ടോം ചാക്കോ അല്ല, 'ബീസ്റ്റ്'ലെ ആ രഹസ്യം പുറത്ത്
കെ ആര്‍ അനൂപ്|
Last Modified വെള്ളി, 8 ഏപ്രില്‍ 2022 (10:11 IST)
സോഷ്യല്‍ മീഡിയയില്‍ ഇപ്പോഴും ചര്‍ച്ചയാണ് 'ബീസ്റ്റ്' ട്രെയിലറിനെക്കുറിച്ച്.
ട്രെയിലറില്‍ മുഖംമൂടി ധരിച്ച് കാണുന്ന ആള്‍ ഷൈന്‍ ടോം ചാക്കോ ആണെന്നാണ് പ്രചരിക്കുന്നത്.
നടന്‍ ഷൈന്‍ ടോം ചാക്കോ ചിത്രത്തില്‍ ഒരു പ്രധാന കഥാപാത്രത്തെ തന്നെ അവതരിപ്പിക്കുന്നു, ട്രെയിലറില്‍ കണ്ട മുഖംമൂടി ധരിച്ച തീവ്രവാദി നടന്‍ അല്ലെന്നാണ് പുറത്തുവരുന്ന പുതിയ വിവരം.
മുഖംമൂടിക്ക് പിന്നില്‍ അങ്കുര്‍ വികല്‍ ആണെന്നും പറയപ്പെടുന്നു. ചിത്രത്തിലെ ഭീകരരില്‍ ഒരാളാണ് അങ്കുറെന്ന് റിപ്പോര്‍ട്ടുകള്‍.ഷൈന്‍ ടോം ചാക്കോയുടെ വേഷത്തെ കുറിച്ചുള്ള വിവരങ്ങള്‍ ഇപ്പോഴും രഹസ്യമാണ്.
ട്രെയിലറിലോ 'ബീസ്റ്റിന്റെ' ചിത്രങ്ങളിലോ ഷൈനിനെ കണ്ടില്ല. അതിനാല്‍ അദ്ദേഹത്തിന്റെ ക്യാരക്ടറിനെ കുറിച്ചുള്ള വിവരങ്ങള്‍ ബോധപൂര്‍വ്വം നിര്‍മാതാക്കള്‍ രഹസ്യമാക്കിയിരിക്കുകയാണ്.
