ഇന്ത്യയുടെ ഈ വർഷത്തെ ഔദ്യോഗിക ഓസ്കർ എൻട്രിയായ ചെല്ലോ ഷോയിൽ പ്രധാന കഥാപാത്രങ്ങളിലൊരാളെ അവതരിപ്പിച്ച ബാലതാരം രാഹുൽ കോലി (15) അന്തരിച്ചു. അർബുദബാധിതനായിരുന്നു. ചെല്ലോ ഷോയിലെ ആറ് ബാലതാരങ്ങളിൽ ഒരാളായിരുന്നു.

ഞായറാഴ്ചയോടെ തുടർച്ചയായി പനി വരികയും രക്തം ഛർദ്ദിക്കുകയും ചെയ്തതായി പിതാവ് മാധ്യമങ്ങളോട് പറഞ്ഞു. രാമു കോലിയുടെ മൂത്ത പുത്രനാണ് രാഹുൽ. സംവിധായകൻ പാൻ നളിൻ്റെ ആത്മാംശമുള്ളതാണ് സിനിമ. ഒമ്പത് വയസ്സ് പ്രായമുള്ള സമയ് എന്ന ബാലൻ സിനിമ പ്രൊജക്ടർ ടെക്നീഷ്യനായ ഫസലിനെ സ്വാധീനിച്ച് സിനിമകൾ കാണുന്നതും സിനിമ സ്വപ്നം കാണുന്നതുമാണ് സിനിമ ദൃശ്യവത്കരിക്കുന്നത്.