അനുബന്ധ വാര്ത്തകള്
- മമ്മൂട്ടി വിളിച്ചിരുന്നെങ്കില് സുരേഷ് ഗോപി ആ സിനിമയില് അഭിനയിച്ചേനെ! സൂപ്പര്താരങ്ങളുടെ പിണക്കവും മലയാളികളുടെ നഷ്ടവും
- മമ്മൂട്ടിയ്ക്കും മോഹന്ലാലിനും ശേഷം യുഎഇ ഗോള്ഡന് വീസ സ്വീകരിച്ച് ടോവിനോ തോമസ്
- അന്ന് മമ്മൂക്ക തന്ന മീന് കറിയുടെ രുചി അമ്മ ഇപ്പോഴും പറയും; മമ്മൂട്ടിയെ ആദ്യമായി കണ്ട അനുഭവം വിവരിച്ച് മന്യ
- അമ്മയുടെ ജനറല് ബോഡി യോഗത്തിലേക്ക് പൊലീസുമായി എത്തിയ തിലകന്; മമ്മൂട്ടിക്ക് ദേഷ്യവും സങ്കടവും തോന്നി
- മമ്മൂട്ടിയുടേത് കള്ളക്കണ്ണീര് ആണെന്ന് തിലകന്; ദിലീപ് എഴുന്നേറ്റ് തിലകനു നേരെ വിരല് ചൂണ്ടി; അമ്മയുടെ യോഗത്തില് അന്ന് സംഭവിച്ചത്
സെപ്റ്റംബര് ഏഴിന് മമ്മൂട്ടിക്ക് സപ്തതി
മലയാളത്തിന്റെ മഹാനടന് മമ്മൂട്ടി സെപ്റ്റംബര് ഏഴിന് സപ്തതി ആഘോഷിക്കും. സിനിമയിലെത്തിയിട്ട് അരനൂറ്റാണ്ട് പൂര്ത്തിയാക്കിയതിനു പിന്നാലെയാണ് മമ്മൂട്ടി തന്റെ സപ്തതി ആഘോഷിക്കുന്നത്. 1951 സെപ്റ്റംബര് ഏഴിനാണ് മമ്മൂട്ടിയുടെ ജനനം. പി.ഐ.മുഹമ്മദ് കുട്ടിയെന്നാണ് മമ്മൂട്ടിയുടെ ആദ്യ പേര്. സിനിമയില് സജീവമായതിനു ശേഷമാണ് മമ്മൂട്ടി എന്ന പേര് സ്വീകരിച്ചത്. 1971 ഓഗസ്റ്റ് ആറിന് റിലീസ് ചെയ്ത 'അനുഭവങ്ങള് പാളിച്ചകള്' ആണ് മമ്മൂട്ടിയുടെ ആദ്യ സിനിമ.
അനുഭവങ്ങള് പാളിച്ചകള് എന്ന സിനിമയ്ക്ക് ശേഷം പിന്നെയും ഒന്പത് വര്ഷങ്ങള് കഴിഞ്ഞാണ് മമ്മൂട്ടി മലയാളത്തില് നടനായി അരങ്ങേറുന്നത്. കൃത്യമായി പറഞ്ഞതാല് 1980 ല് റിലീസ് ചെയ്ത 'വില്ക്കാനുണ്ട് സ്വപ്നങ്ങള്' എന്ന സിനിമയിലൂടെ. തന്റെ ആത്മകഥയായ 'ചമയങ്ങളില്ലാതെ' എന്ന പുസ്തകത്തില് അനുഭവങ്ങള് പാളിച്ചകളാണ് തന്റെ വെള്ളിത്തിരയിലേക്കുള്ള അരങ്ങേറ്റം സാധ്യമാക്കിയതെന്ന് മമ്മൂട്ടി കുറിച്ചിട്ടുണ്ട്.
