കെ ആര്‍ അനൂപ്|
Last Modified ബുധന്‍, 13 ഒക്‌ടോബര്‍ 2021 (11:21 IST)
മലയാളത്തില്‍ നിന്നും പുതിയൊരു ആന്തോളജി ചിത്രം കൂടി വരുന്നു.മധുരം ജീവാമൃതബിന്ദു എന്നാണ് പേരിട്ടിരിക്കുന്നത്. ഷംസു സെയ്ബ, അപ്പു ഭട്ടതിരി, പ്രിന്‍സ് ജോയ്, ജെനിത് കാച്ചപ്പിള്ളി എന്നീ സംവിധായകരുടെ നാല് ചിത്രങ്ങള്‍ ഉണ്ടാകും.
ഷംസു സെയ്ബ സംവിധാനം ചെയ്യുന്ന 'ജെസ്സി' ചിത്രീകരണം പൂര്‍ത്തിയായി. സിനിമയെക്കുറിച്ച് പറയുകയാണ് സംവിധായകന്‍.
'ജെസ്സിക്ക് പിന്നിലെ സന്തോഷം തേടുന്നവര്‍ - 1.ഫസ്റ്റ് ലോക്ക്ഡൗണ് കഴിഞ്ഞുള്ള സമയത്ത് ജിഷ്ണുവിന്റെ തലയിലാണ് ജെസ്സിയുടെ ഐഡിയ ആദ്യം ജനിക്കുന്നത്.ഒറ്റ വരിയില്‍ 'കൊള്ളാം' എന്നു തോന്നിക്കുന്ന ഒരു ക്യൂട്ട് ഐഡിയ. സിനിമയാക്കിയാലോ എന്ന ആലോചനക്ക് വെള്ളവും വളവുമിട്ടു വളര്‍ത്തിയെടുക്കാന്‍ ജെനിത്തേട്ടന്‍ കൂടെ കൂടിയപ്പോള്‍ ജെസ്സി പതുക്കെ പൂവിട്ടു , കാഴ്ച്ചു , ഒടുക്കം മധുരം ജീവാമൃതബിന്ദുവിലെ കിക്ക് ഓഫ് ചെയ്യുന്ന സിനിമയായി ജെസ്സി മാറുന്നു'-ഷംസു സെയ്ബ കുറിച്ചു.
23 ഫീറ്റ് എന്റര്‍ടൈന്‍മെന്റ്‌സിന്റെ ബാനറില്‍ അര്‍ജുന്‍ രവീന്ദ്രന്‍ നിര്‍മ്മിക്കുന്ന മധുരം ജീവാമൃതബിന്ദു എന്ന ചിത്രം അവതരിപ്പിക്കുന്നത് സംവിധായകന്‍ സിദ്ധിഖ് ആണ്.മണിയറയിലെ അശോകന്‍, നിഴല്‍, അനുഗ്രഹീതന്‍ ആന്റണി, മറിയം വന്നു വിളക്കൂതി തുടങ്ങിയ ചിത്രങ്ങളിലൂടെ ശ്രദ്ധേയനായ സംവിധായകരാണ് നാലുപേരും.
