'ഫര്‍ഹാന'എന്ന ചിത്രം റിലീസ് ആയതോടെ നടി ഐശ്വര്യ രാജേഷിന് പോലീസ് സംരക്ഷണത്തിലാണ് കഴിയുന്നത് . സിനിമയ്‌ക്കെതിരെ പ്രതിഷേധം ഉയരുന്ന സാഹചര്യത്തിലാണ് താരത്തിന് പോലീസ് കാവല്‍ ഏര്‍പ്പെടുത്തിയത്. ഇതിനിടെ നടി നടത്തിയ പരാമര്‍ശമാണ് പുതിയ ചര്‍ച്ചകള്‍ക്ക് തുടക്കമിട്ടിരിക്കുന്നത്.

അല്ലു അര്‍ജുന്‍ നായകനായി എത്തിയ പുഷ്പയില്‍ രശ്മിക മന്ദാന അവതരിപ്പിച്ച വേഷം ചെയ്യാന്‍ താനാണ് അനുയോജ്യ എന്നാണ് ഐശ്വര്യ പറഞ്ഞിരിക്കുന്നത്.

ശ്രീവല്ലി രശ്മിക എന്ന നടിക്ക് ഇന്ത്യ ഒട്ടാകെ ആരാധകരെ നേടിക്കൊടുത്ത വേഷമാണ്. പുഷ്പ രണ്ട് ചിത്രീകരണം പുരോഗമിക്കുകയും ചെയ്യുന്നു.

പുഷ്പ പോലൊരു സിനിമയില്‍ ക്ഷണം ലഭിച്ചിരുന്നെങ്കില്‍ ഉറപ്പായും സ്വീകരിക്കുമായിരുന്നു എന്നാണ് ഐശ്വര്യ പറഞ്ഞത്. ശ്രീവല്ലി എന്ന കഥാപാത്രത്തെ രശ്മിക മനോഹരമായിട്ടാണ് ചെയ്തത്. പക്ഷേ, ആ വേഷം തനിക്കായിരുന്നു കൂടുതല്‍ ചേരുക എന്ന് തോന്നിയിരുന്നു എന്നാണ് ഐശ്വര്യ രാജേഷ് പറഞ്ഞത്.