അനുബന്ധ വാര്ത്തകള്
- ഇതേ നിലകുട്ടി.., പുതിയ ചിത്രങ്ങളുമായി പേളി
- വസ്ത്രത്തിന് പകരം ആഭരണം, ജാനകി സുധീറിന്റെ വൈറല് ഫോട്ടോഷൂട്ട്
- ജീവിതം മാറ്റിമറിച്ച സിനിമ!'കുരുതി' റിലീസായി ഒരു വര്ഷം,നടന് നവാസ് വള്ളിക്കുന്നിന്റെ സന്തോഷം
- ഉത്തമാ, നമ്മുടെ പോക്ക് ശരിയല്ല..സിനിമയിലും 'കുഴി' ഒരു പ്രശ്നം തന്നെയാണ്:എന്.എം ബാദുഷ
- 'കുഴിയില് ചാടിയാടി സിനിമ കാണും മനുഷ്യര്';'ന്നാ താന് കേസ് കൊട്' സിനിമയ്ക്കായി പാട്ടുപാടി നടന് ഹരീഷ് പേരടി
മമ്മൂട്ടി അല്ല ഉദ്ഘാടനകന്, കാര്യം മനസിലാക്കാതെ കത്രിക കയ്യിലെടുത്തു,ഇതാണ് ഇതിലെ യഥാര്ത്ഥ വസ്തുത, വിശദീകരണ കുറിപ്പ് പങ്കുവെച്ച് എംഎല്എ
കഴിഞ്ഞദിവസം ഒരു സ്വകാര്യ സ്ഥാപനത്തിന്റെ ഉദ്ഘാടനത്തിനായി മമ്മൂട്ടിക്കൊപ്പം എല്ദോസ് കുന്നപ്പിള്ളില് എംഎ.എ എത്തിയിരുന്നു. ഉദ്ഘാടനത്തിനിടെ മമ്മൂട്ടിയുടെ കൈയിലുള്ള കത്രിക പിടിക്കാന് ശ്രമിച്ച എല്ദോസിന്റെ ചിത്രങ്ങളും വീഡിയോയും സാമൂഹ്യ മാധ്യമങ്ങളില് ട്രോളുകളായി പ്രത്യക്ഷപ്പെട്ടിരുന്നു.ഇപ്പോഴിതാ വിശദീകരണ കുറിപ്പ് പങ്കുവെച്ചിരിക്കുകയാണ് എംഎല്എ.
എംഎല്എയുടെ കുറിപ്പ് വായിക്കാം.
ബഹു. നടന് മമ്മുട്ടി ആണ്. ഇന്ന് രാവിലെ (11.08.2022) അങ്കമാലി ഓപ്ഷന്സ് ടെക്സ്റ്റൈല്സ് ഉദ്ഘാടനത്തിന് എന്നെ ക്ഷണിച്ചിരുന്നു. കെട്ടിടത്തിന്റെ ഉദ്ഘാടനകന് ബഹു. മമ്മുട്ടി ആയിരുന്നു. ഉദ്ഘാടന ശേഷം മുകളിലെ ചെറിയ ഷോ റൂം ഉദ്ഘാടനം ചെയ്യുകയെന്നുള്ള ഉത്തരവാദിത്തം എനിക്കായിരുന്നു. ഞാന് ഉദ്ഘാടനത്തിനു തയ്യാറായി നിന്നപ്പോള് അവിടേക്ക് ബഹു. മമ്മുട്ടി കടന്ന് വരികയും ചെയ്തു. ഈ സമയം ഇതിന്റെ ഉദ്ഘാടകന് എം എല് എ ആണെന്ന് കടയുടമ പറയുകയും ചെയ്തു.
എന്നാല് ബഹു. മമ്മുട്ടി ഇക്കാര്യം മനസിലാക്കാതെ കത്രിക കയ്യിലെടുത്തു. എം എല് എയാണ് ഉദ്ഘാടകനെന്നു ഉടമ അറിയിച്ചപ്പോള് അദ്ദേഹം കത്രിക എനിക്കായി നീട്ടി. എന്നാല് ഞാന് അദ്ദേഹത്തോട് ഉദ്ഘാടനം നിര്വഹിച്ചോളൂ എന്ന് പറയുകയും ഞാന് കൈ ഒന്ന് തൊട്ട് കൊള്ളാമെന്ന് പറയുകയും ചെയ്തു. നാട മുറിച്ച ശേഷം അദ്ദേഹത്തോടുള്ള ബഹുമാനാര്ത്ഥം കത്രിക ഞാന് വാങ്ങി നല്കുകയാണ് ചെയ്തത്. ഇതാണ് ഇതിലെ യഥാര്ത്ഥ വസ്തുത. തെറ്റിദ്ധരിപ്പിക്കപ്പെടുന്ന വാര്ത്തകള് നല്കുന്നത് ശരിയായ നടപടിയല്ല.
ഇതുമായി ബന്ധപ്പെട്ട് എന്തെങ്കിലും സംശയം ഉള്ളവര് ടെക്സ്റ്റൈല്സ് ഉടമയെയോ ബന്ധപ്പെട്ടവരോടോ ചോദിക്കാവുന്നതാണ്. മാത്രമല്ല ആ ഫ്ലോറിന്റെ ഉദ്ഘാടകന് ഞാനാണെന്ന് അറിയാതെയാണ് ബഹു. മമ്മുട്ടി കത്രിക എടുത്തത്. കത്രിക തിരിക വാങ്ങിക്കുന്നത് അദ്ദേഹത്തെ പരിഹസിക്കുന്നതിനു തുല്യമാകുമെന്ന് കരുതിയാണ് ഞാന് അതിനു മുതിരാതിരുന്നത്. ഇക്കാര്യങ്ങള് ഒന്ന് മനസിലാക്കിയാല് കൊള്ളാമെന്നാണ് ഈ ലേഖകനോട് എനിക്ക് സൂചിപ്പിക്കാനുള്ളത്.
