അനുബന്ധ വാര്ത്തകള്
- വിവാഹം നരകത്തിലും വിവാഹമോചനം സ്വര്ഗ്ഗത്തിലും നടക്കുന്നു: രാം ഗോപാല് വര്മ്മ
- ജീവിതത്തിലെ ബുദ്ധിമുട്ടേറിയ തീരുമാനം എടുക്കുന്നു, വിവാഹബന്ധം വേർപിരിയുകയാണെന്ന് സ്ഥിരീകരിച്ച് ഹാർദ്ദിക് പാണ്ഡ്യ
- വിവാഹമോചനത്തിന് ശേഷം മുസ്ലീം സ്ത്രീക്ക് ഭര്ത്താവിനെതിരെ ജീവനാംശത്തിന് അവകാശമുണ്ട്: സുപ്രീം കോടതി
- ഹാർദ്ദിക് മനുഷ്യനാണെന്ന് പോലും എല്ലാവരും മറന്നു, അത്രയധികം അവൻ സഹിച്ചു: ക്രുണാൽ പാണ്ഡ്യ
- മഞ്ജു വാര്യർ കളം മാറ്റിയോ, വിടുതലൈ 2വിന് പുറമെ മറ്റൊരു തമിഴ് സിനിമയിലും നായിക!
ആദ്യ വിവാഹം 18 വയസിലായിരുന്നു, രണ്ടാമത്തെ ബന്ധം തകർന്നതോടെ ഡിപ്രഷനിലായി: ആര്യ
വിവാഹമോചനത്തിന് ശേഷം തന്റെ ജീവിതത്തിലുണ്ടായ മാറ്റങ്ങളെ പറ്റി മനസ്സ് തുറന്ന് നടി ആര്യ. ആദ്യ വിവാഹത്തിന് ശേഷമുണ്ടായ പ്രണയബന്ധം ഏറെ ആത്മാര്ഥമായിരുന്നുവെന്നും എന്നാല് അതില് സംഭവിച്ച ബ്രേയ്ക്കപ്പില് നിന്നും പുറത്തുകടക്കാന് ഒരുപാട് കഷ്ടപ്പെട്ടെന്നും ഡിപ്രഷന് സമയത്ത് ആത്മഹത്യ പ്രവണത ഉണ്ടായിരുന്നുവെന്നും ആര്യ പറയുന്നു.
ഞാനും എന്റെ ഭര്ത്താവും പിരിയാനുള്ള കാരണത്തെ പറ്റി ഞാന് എവിടെയും പറഞ്ഞിട്ടില്ല. അതില് തെറ്റ് എന്റെ ഭാഗത്താണെന്നാണ് ഞാന് പറഞ്ഞത്. ഈ തെറ്റ് എന്ന് പറയുമ്പോള് അത് ചീറ്റിംഗ് മാത്രമാണ് എന്നാണോ അര്ഥം. എനിക്ക് വേറെ കാമുകന് ഉണ്ടായിരുന്നത് കൊണ്ടാണ് വിവാഹമോചനം നേടിയതെന്ന് ആരെങ്കിലും പറഞ്ഞിട്ടുണ്ടോ? ആളുകള് അങ്ങനെയെങ്ങ് തീരുമാനിക്കുകയാണ്. ഞാനോ എന്റെ മുന് ഭര്ത്താവോ വീട്ടുകാരോ അങ്ങനെ പറഞ്ഞിട്ടില്ല. വിവാഹമോചനം എന്റെയും അദ്ദേഹത്തിന്റെയും വ്യക്തിപരമായ തീരുമാനമായിരുന്നു.
എനിക്ക് വേണമെങ്കില് കുറച്ചുകാര്യങ്ങളില് വിട്ടുവീഴ്ച ചെയ്യാമായിരുന്നു. എന്നാല് ഞാന് വാശി കാണിച്ചു. അതാണ് എനിക്ക് പറ്റിയ തെറ്റ്. ഇന്ന് അങ്ങനെയൊരു തീരുമാനമില്ലായിരുന്നുവെങ്കില് ഞങ്ങള് ഇപ്പോഴും ഒന്നിച്ചുണ്ടായേനെ. അന്ന് 23,24 വയസില് അതിനുള്ള പക്വതയില്ലായിരുന്നു. എന്റെ ഈഗോ ആയിരുന്നു പ്രശ്നം.
18 വയസിലായിരുന്നു ആദ്യ വിവാഹം. 21 വയസില് ഒരു കുട്ടിയുടെ അമ്മയായി. വിവാഹമോചനം കഴിഞ്ഞ രണ്ടോ മൂന്നോ വര്ഷം കഴിഞ്ഞാണ് അടുത്ത റിലേഷന്ഷിപ്പിലേക്ക് കടക്കുന്നത്. മുന് ഭര്ത്താവിന്റെ സഹോദരി വഴിയാണ് അദ്ദേഹത്തെ പരിചയപ്പെട്ടത്. പിന്നീട് അത് സൗഹൃദവും പ്രണയവുമായി. എന്നെ സംബന്ധിച്ചിടത്തോളം ആഴ മേറിയ ബന്ധമായിരുന്നു. വിവാഹം കഴിക്കണമെന്നായിരുന്നു ആഗ്രഹം. എന്നാല് അങ്ങനെ സംഭവിക്കാതെ വന്നപ്പോള് തകര്ന്നുപോയി. ആര്യ പറയുന്നു.
