കെ ആര്‍ അനൂപ്|
Last Modified ചൊവ്വ, 14 മാര്‍ച്ച് 2023 (15:33 IST)
തമിഴ് സിനിമ ലോകത്തേക്ക് മലയാളി നടിമാര്‍ എത്താറുള്ളത് പതിവ് കാര്യമാണ്. 2023-ല്‍ കോളിവുഡിലേക്ക് അരങ്ങേറ്റം കുറിച്ച കോളിവുഡ് താരങ്ങളും മറ്റ് നടിമാരും ആരൊക്കെയാണെന്ന് നോക്കാം.
അന്ന ബെന്‍
2019ല്‍ സിനിമയിലെത്തിയ അന്ന ബെന്‍ തമിഴ് സിനിമ ലോകത്തേക്ക് ചുവട് വയ്ക്കുന്നു.ശിവകാര്‍ത്തികയെന്‍ നിര്‍മ്മിക്കുന്ന പുതിയ ചിത്രത്തിന് 'കൊട്ടുകാളി'എന്നാണ് പേരിട്ടിരിക്കുന്നത്.സൂരിയും അന്ന ബെന്നും പ്രധാന വേഷങ്ങളില്‍ എത്തുന്ന ചിത്രം സംവിധാനം ചെയ്യുന്നത് പി എസ് വിനോദ് രാജാണ്.
സംയുക്ത മേനോന്‍
വെങ്കി അറ്റ്ലൂരി സംവിധാനം ചെയ്ത ധനുഷ് ചിത്രം 'വാത്തി' ഫെബ്രുവരി 17 ന് തിയേറ്ററുകളില്‍ എത്തി. തമിഴ് - തെലുങ്ക് ദ്വിഭാഷാ ചിത്രം തെലുങ്കില്‍ 'സര്‍' എന്ന പേരിലും റിലീസ് ചെയ്തു.100 കോടിയിലധികം ബോക്സ് ഓഫീസ് കളക്ഷന്‍ നേടി. ചിത്രത്തിലൂടെയാണ് സംയുക്ത മേനോന്‍ തമിഴില്‍ അരങ്ങേറ്റം കുറിച്ചത്.
സൂര്യ 42' എന്ന ചിത്രത്തിലൂടെ കോളിവുഡില്‍ അരങ്ങേറ്റം കുറിക്കാന്‍ ഒരുങ്ങുകയാണ് ദിഷ പടാനി. 'കസ്റ്റഡി' എന്ന ചിത്രത്തിലൂടെയാണ് കൃതി ഷെട്ടി കോളിവുഡില്‍ അരങ്ങേറ്റം കുറിക്കുന്നത്. വെങ്കട്ട് പ്രഭു സംവിധാനം ചെയ്യുന്ന ചിത്രത്തില്‍ നാഗ ചൈതന്യയാണ് നായകന്‍.
