അന്താരാഷ്ട മാസികയായ ഫോബ്‌സിന്റെ പട്ടികയിൽ ഇടം നേടി ചലചിത്ര താരം സായ് പല്ലവി. കഴിഞ്ഞ വർഷം ഏറ്റവും സ്വാധീനം ചെലുത്തിയ 30 വയസിന് താഴെയുള്ള മുപ്പത് പേരുടെ ഫോബ്‌സ് പട്ടികയിലാണ് താരം ഇടം നേടിയത്. പട്ടികയിൽ ഇടം നേടിയ ഏക ചലച്ചിത്ര നടികൂടിയാണ് സായ് പല്ലവി.

മുപ്പതു പെരുടെ പട്ടികയിൽ അഞ്ച് സ്ത്രീകളാണ് ഇടം നേടിയത്. പട്ടികയിൽ 27ആം സ്ഥാനത്താണ് തെന്നിന്ത്യൻ സൂപ്പർ താരത്തിന്റെ പേരുള്ളത്. ചലചിത്ര അഭിനയരംഗത്തിന് പുറമെ രണ്ട് കോടി രൂപ വാഗ്ദാനം ചെയ്യപ്പെട്ട സൗന്ദര്യവര്‍ധക വസ്തുവിന്റെ പരസ്യം താരം വേണ്ടെന്ന് വെച്ചിരുന്നു.

നേട്ടത്തിൽ സന്തോഷമുണ്ടെന്നും തന്നില്‍ നിന്ന് സ്ത്രീകള്‍ ഊര്‍ജം ഉള്‍ക്കൊള്ളുന്നുണ്ടെങ്കില്‍,ആത്മവിശ്വാസം പകരാന്‍ സാധിക്കുന്നുണ്ടെങ്കില്‍ അതില്‍ സന്തോഷമുണ്ടെന്ന് താരം പറഞ്ഞു. സിനിമയിലേക്ക് വന്ന സമയത്ത് അഭിനയം വശമില്ലായിരുന്നുവെന്നും അരക്ഷിതാവസ്ഥയായിരുന്നു ചുറ്റിലുമുണ്ടായിരുന്നതെന്നും പറഞ്ഞ താരം അഭിനയിക്കാനുള്ള ആത്മവിശ്വാസം നൽകിയത് ജനങ്ങളുടെ അംഗീകാരമാണെന്നും കൂട്ടിച്ചേർത്തു.