സജിത്ത്|
Last Updated:
ഞായര്‍, 13 ഓഗസ്റ്റ് 2017 (16:06 IST)
ദുല്‍ഖര്‍ സല്‍മാന്‍ നായകനാകുന്ന സോലോയുടെ പുതിയ ടീസര്‍ പുറത്തിറങ്ങി. മലയാളത്തിലും തമിഴിലുമായി ഒരുങ്ങുന്ന ഈ ചിത്രം ബിജോയ് നമ്പ്യാരാണ് സംവിധാനം ചെയ്യുന്നത്. കുറച്ചു ദിവസങ്ങള്‍ക്ക് മുമ്പ് സിനിമയുടെ മറ്റൊരു ടീസര്‍ പുറത്തിറങ്ങിയിരുന്നു. അഞ്ച് ഹ്രസ്വ ചിത്രങ്ങള്‍ കോര്‍ത്തിണക്കിയ ആന്തോളജിയാണ് സോലോ.
കോളിവുഡ്, ബോളിവുഡ് ചിത്രങ്ങള്‍ സംവിധാനം ചെയ്ത ബിജോയ് നമ്പ്യാര്‍ ആദ്യമായി മലയാളത്തിലെത്തുന്ന സോലോയില്‍ ആര്‍തി വെങ്കിടേഷാണ് ദുല്‍ഖറിന്റെ നായിക. ദീപ്തി സതി, സുഹാസിനി, നാസര്‍, നേഹ ശര്‍മ്മ, ശ്രുതി ഹരിഹരന്‍, ധന്‍സിക, പ്രകാശ് ബെലവാടി, ഖ്വാഷിക് മുഖര്‍ജി, മനോജ് കെ.ജയന്‍, ആന്‍ അഗസ്റ്റിന്‍, സായ് തംഹങ്കര്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു.
