മോഹന്‍ലാലിന് എന്തുകൊണ്ടും ഗുണം ചെയ്ത ചിത്രമാണ് ‘ജില്ല’. തമിഴകത്ത് തന്‍റെ താരമൂല്യം വര്‍ദ്ധിപ്പിക്കാനായി എന്നതുമാത്രമല്ല, വന്‍ സാമ്പത്തിക നേട്ടവും ആ ചിത്രം കൊണ്ടുണ്ടായി. ഈ വര്‍ഷം തെലുങ്കിലും ഒരു കൈ നോക്കാന്‍ ഒരുങ്ങുകയാണ് മലയാളത്തിന്‍റെ താര ചക്രവര്‍ത്തി.
‘രഭസ’ എന്നാണ് മോഹന്ലാല് നായകനാകുന്ന തെലുങ്ക് ചിത്രത്തിന്‍റെ പേര്. ‘സ്ട്രീറ്റ് ഫൈറ്റ്’ എന്നാണ് ഈ തെലുങ്ക് പദത്തിന്‍റെ അര്‍ത്ഥം. തെലുങ്ക് സൂപ്പര്‍താരം ജൂനിയര് എന് ടി ആറും ഈ സിനിമയില്‍ പ്രധാന വേഷത്തില്‍ എത്തുന്നു.
മോഹന്ലാല് - ജൂനിയര് എന്‍ടിആര്‍ ടീമിന്‍റെ ആക്ഷന്‍ രംഗങ്ങളും തകര്‍പ്പന്‍ നൃത്തരംഗങ്ങളുമായിരിക്കും ചിത്രത്തിന്‍റെ ഹൈലൈറ്റ്. സന്തോഷ് ശ്രീനിവാസ് സംവിധാനം ചെയ്യുന്ന ഈ സിനിമയില്‍ സാമന്തയാണ് നായിക. എസ് എസ് തമനാണ് സംഗീതം. ഈ സിനിമയുടെ സാമന്ത ഉള്‍പ്പെടുന്ന ഗാനരംഗങ്ങള്‍ ചിത്രീകരിച്ചതായാണ് റിപ്പോര്‍ട്ട്.
പ്രിയദര്‍ശന്‍ സംവിധാനം ചെയ്ത ‘ഗാണ്ഡീവം’ എന്ന തെലുങ്ക് സിനിമയില്‍ ഒരു ഗാനരംഗത്തില്‍ മോഹന്ലാല് അഭിനയിച്ചിട്ടുണ്ട്.
