'നാലുമണി പൂവേ'; 'മഹേഷും മാരുതിയും' ആദ്യഗാനം

കെ ആര്‍ അനൂപ്| Last Modified തിങ്കള്‍, 23 ജനുവരി 2023 (10:21 IST)
ആസിഫ് അലിയുടെ ഉടനെ റിലീസിന് എത്തുന്ന സിനിമയാണ് 'മഹേഷും മാരുതിയും' ക്ലീൻ യൂ സർട്ടിഫിക്കറ്റോടെ ചിത്രം പ്രദർശനത്തിന് ഒരുങ്ങുന്നു. ഇപ്പോഴിതാ സിനിമയിലെ ആദ്യ ഗാനം എത്തുന്നു. നാലുമണി പൂവേ എന്ന് തുടങ്ങുന്ന ഗാനം നാളെ വൈകുന്നേരം 4 മണിക്ക് ഗുഡ്വിൽ എന്റർടൈമെന്റ്സ് ചാനൽ വഴി പുറത്തെ വരും.
 
12 വർഷങ്ങൾക്കു ശേഷം ആസിഫ് അലിയുടെ നായികയായി മംമ്ത മോഹന്‍ദാസ് എത്തുന്നു എന്നതാണ് പ്രത്യേകത.സേതു സംവിധാനം ചെയ്യുന്ന ചിത്രത്തിൽ 1984 മോഡൽ മാരുതി 800 കാറാണ് മറ്റൊരു താരം.
 
ഹാസ്യത്തിനും പ്രണയത്തിനും പ്രാധാന്യം നൽകി നിർമ്മിക്കുന്ന ചിത്രത്തിന് സേതു കഥയും തിരക്കഥയും സംഭാഷണവും ഒരുക്കുന്നു.
 
ഷിജു, ജയകൃഷ്ണന്‍, പ്രേംകുമാര്‍, രചന നാരായണന്‍കുട്ടി തുടങ്ങിയവരാണ് മറ്റ് പ്രധാന വേഷങ്ങളിൽ എത്തുന്നത്.
 
മണിയന്‍പിള്ളരാജു പ്രൊഡക്ഷന്‍സും വി.എസ്.എല്‍ ഫിലിം ഹൗസും ചേര്‍ന്ന് ചിത്രം നിർമ്മിക്കുന്നു.
 
 
 
 
 
 




ഇതിനെക്കുറിച്ച് കൂടുതല്‍ വായിക്കുക :