മലയാള സിനിമയില് ഏറ്റവും താരമൂല്യമുള്ള നടന് ആരാണ്? ആ ചോദ്യത്തിന് വര്ഷങ്ങളായി രണ്ട് പേരുടെ പേരുകളാണ് ഉത്തരമായി കേള്ക്കുന്നത്. ചിലര് പറയും മമ്മൂട്ടി എന്ന്. മറ്റു ചിലര് മോഹന്ലാലെന്നും. ഇവരില് ആരാണ് ഏറ്റവും വലിയ ക്രൌഡ്പുള്ളര്? ഏറ്റവുമധികം പ്രതിഫലം വാങ്ങുന്നത് ആരാണ്? 2012 മലയാള സിനിമയിലെ താര സമവാക്യങ്ങളാകെ മാറി മറിഞ്ഞ വര്ഷമായിരുന്നു. ന്യൂ ജനറേഷന് വേലിയേറ്റത്തില് പല താരങ്ങളുടെയും ബിഗ് ബജറ്റ് സിനിമകള് ഒലിച്ചുപോയി. സൂപ്പര്സ്റ്റാര് സുരേഷ് ഗോപി മലയാള സിനിമയില് നിന്ന് ഏറെക്കുറെ ഒഴിഞ്ഞുനിന്നു. ജയറാമിനാകട്ടെ ഒറ്റച്ചിത്രം പോലും വിജയിപ്പിക്കാനായില്ല.
