പിന്നീട് നാടകത്തിലേക്കാണ് എത്തിപ്പെട്ടത്. പ്രധാനമായും സ്ത്രീവേഷങ്ങളാണ് ചെയ്തത്. നവാബ് രാജമാണിക്യത്തന്‍റെ തമിഴ് നാടകക്കമ്പനിയില്‍ മൂന്ന് കൊല്ലം ജോലി ചെയ്തു. പതിനഞ്ചിലേറെ നാടകങ്ങളിലഭിനയിച്ചു.
തമിഴ് സിനിമയായ ജാതകത്തില്‍ അഭിനയിച്ച് ടി.കെ. സിനിമാരംഗത്തേയ്ക്ക് തിരിച്ച് വന്ന് നായകനായി. സൂര്യകലയായിരുന്നു നായിക. ഇത് വന്‍വിജയമായതോടെ കന്നടയില്‍ റീമേക്ക് ചെയ്തു. അപ്പോഴും ടി.കെയായിരുന്നു നായകന്‍.
പിന്നീട് പി. സുബ്രഹ്മണ്യത്തിന്‍റെ മെരിലാന്‍റിന്‍റെ അനിയത്തിയിലൂടെ മലയാളത്തിലെത്തി. അവരുടെ പൂത്താലിയില്‍ ഇരട്ട വേഷങ്ങളില്‍ അഭിനയിച്ചു. മലയാള സിനിമയിലെ ആദ്യത്തെ ഡബിള്‍ റോള്‍ അതായിരുന്നു. മിസ് കുമാരിയും ശാന്തിയുമായിരുന്നു ഇതിലെ നായികമാര്‍.
സ്നേഹദീപം എന്ന സിനിമയില്‍ ബാലചന്ദ്രന്‍ നായകനായി. അതില്‍ മിസ് കുമാരി ചേച്ചിയും, ശാന്തി കാമുകിയുമായിരുന്നു. ചന്ദ്രമാമനും അനന്തരവളും തമ്മിലുള്ള സ്നേഹവാത്സല്യങ്ങളുടെ അനര്‍ഘ നിമിഷങ്ങളുള്ള ഈ സിനിമയില്‍ ബേബി വിനോദിനിയായിരുന്നു അനന്തിരവളായി അഭിനിയിച്ചത്. തിക്കുറിശി, കൊട്ടാരക്കര, അംബിക, പങ്കജവല്ലി തുടങ്ങിയവരും ഈ സിനിമയിലുണ്ടായിരുന്നു.
