മലയാളത്തിലെ സൂപ്പര്‍താരങ്ങള്‍ക്ക് തന്നെ ഭയമാണെന്ന് തിലകന്‍ ചൂണ്ടിക്കാട്ടി. “സൂപ്പര്‍താര ചിത്രങ്ങളില്‍ ഇപ്പോഴും എനിക്ക് ഭ്രഷ്ടുണ്ട്. അവര്‍ എന്നെ മാറ്റിനിര്‍ത്തുകയാണ്. അവര്‍ക്ക് എന്നെ ഭയമുണ്ട്. തിലകന്‍റെ കൂടെ അഭിനയിച്ചാല്‍ തിലകന്‍ ഓവര്‍ടേക്ക് ചെയ്യുമെന്ന് ഒരാള്‍ മോഹന്‍ലാലിനോട് പറഞ്ഞ കാര്യം എനിക്കറിയാം. മമ്മൂട്ടിയോടും അത് പറഞ്ഞിട്ടുണ്ടാകണമല്ലോ. പക്ഷേ അവര്‍ ഒരു കാര്യം ഓര്‍ക്കണം. സുകുമാര്‍ അഴീക്കോട് പറഞ്ഞ കാര്യമാണ് - സൂപ്പര്‍താരങ്ങള്‍ക്ക് വളരാന്‍ ആകാശമുണ്ടാക്കിക്കൊടുത്ത നടനാണ് തിലകന്‍” - തിലകന്‍ പറഞ്ഞു.
താന്‍ അഭിനയിക്കുന്നിടത്തോളം കാലം ഏത് തലമുറ വന്നാലും തന്നെ മാറ്റിനിര്‍ത്താനാവില്ലെന്ന് അദ്ദേഹം പറഞ്ഞു. “എന്‍റെ മനസിലെ ഒന്നാമത്തെ നടന്‍ ഞാനാണ്. എനിക്ക് ശേഷം രണ്ടാമതായി ഒരാളെ കാണുന്നുമില്ല. ഇനിയൊരാള്‍ വരണം” - തിലകന്‍ വ്യക്തമാക്കി.
