ജനുവരിയിൽ രണ്ടാമത്തെ തവണയും കേരളത്തിലേക്ക് വരാനൊരുങ്ങി പ്രധാനമന്ത്രി നരേന്ദ്ര മോദി. 15ന് നടന്ന ദേശീയപാത ബൈപ്പാസിന്‍റെ ഉദ്ഘാടനത്തിന് പിന്നാലെ വരുന്ന 27ന് കൊല്ലത്ത് ബിജെപി പൊതു സമ്മേളനത്തിലാണ് നരേന്ദ്ര മോദി പങ്കെടുക്കുക.

മോദിയുടെ അടിക്കടിയുള്ള കേരള സന്ദർശനവും വരാനിരിക്കുന്ന തെരഞ്ഞെടുപ്പും തമ്മിൽ കൂട്ടിവായിക്കുകയാണ് ഇപ്പോൾ എല്ലാവരും. കഴിഞ്ഞ തവണ മോദി കേരളത്തിൽ എത്തിയതും തെരഞ്ഞെടുപ്പും തമ്മിൽ ബന്ധമുണ്ടെന്നും മോദിയുടെ വരവോടെ മോഹൻലാലിന്റെ രാഷ്‌ട്രീയ എൻട്രിക്ക് വഴിതെളിയുമെന്നും വാർത്തകൾ ഉണ്ടായിരുന്നു.

രാഷ്‌ട്രീയത്തിലേക്ക് ഇല്ലെന്ന് മോഹൻലാൽ പറഞ്ഞെങ്കിലും മോദിയുമായി ഇനിയും കൂടിക്കാഴ്ച ഉണ്ടാകുകയാണെങ്കിൽ തീരുമാനത്തിൽ മാറ്റം ഉണ്ടാകാൻ സാധ്യത ഉണ്ടെന്നാണ് പൊതുവേയുള്ള വിലയിരുത്തൽ. ഇതേസമയം ബിജെപിയിൽ നിന്ന് മോഹൻലാൽ ഇറങ്ങുമെങ്കിൽ ശക്തമായ മത്സരാർത്ഥികളെ മറ്റ് രണ്ട് പാർട്ടികളും ഇറക്കും എന്നതിൽ സംശയമേ വേണ്ട.