എയര്സെല് മൊബൈല് ഉപയോക്താക്കള്‍ക്ക് ഇനിമുതല്‍ തങ്ങളുടെ ഫേസ്ബുക്ക് അക്കൌണ്ടില്‍ വോയ്സ് അപ്ഡേറ്റ് നടത്താം, നെറ്റ് സൌകര്യമില്ലാതെ!
എയര്‍ സെല്ലും ഫേസ്ബുക്കും തമ്മിലുള്ള സഹകരണത്തിലൂടെയാണ് പുതിയ സൌകര്യം ഉപയോക്താക്കള്‍ക്ക് ഒരുക്കിയിരിക്കുന്നത്. എയര്സെല് ഉപയോക്താക്കള്‍ ഒരു പ്രത്യേക രഹസ്യ വാക്ക് ടൈപ്പ് ചെയ്ത് നല്‍കിയാല്‍ സ്വന്തം ഫേസ്ബുക്ക് അക്കൌണ്ടില്‍ വോയ്സ് അപ്ഡേഷന് നടത്താം. ഇവിടെ ഇന്റര്‍നെറ്റ് സൌകര്യത്തിന്റെ ആവശ്യമില്ല.
പുതിയ വോയ്സ് അപ്ഡേറ്റിനെ കുറിച്ച് സുഹൃത്തുക്കള്‍ക്ക് എസ്‌എം‌സ് സന്ദേശം ലഭിക്കുകയും ചെയ്യും. ഇത്തരം സന്ദേശം ലഭിക്കുന്ന എയര്സെല് ഉപയോക്താക്കള്‍ക്ക് ഫോണിലൂടെ തന്നെ മറുപടി സന്ദേശവും അപ്ഡേറ്റ് ചെയ്യുവാന്‍ സാധിക്കും.
പുതിയ സൌകര്യം അവതരിപ്പിക്കുന്നത് യുവ തലമുറയിലുള്ളവര്‍ക്കും ബിസിനസുകാര്‍ക്കും കൂടുതല്‍ ഫലപ്രദമായി മറ്റുള്ളവരുമായി വിവരങ്ങള്‍ പങ്കുവയ്ക്കുന്നതിന് സഹായകമാകുമെന്ന് കമ്പനി അധികൃതര്‍ കരുതുന്നു. നിലവില്‍, 15 ലക്ഷം ഇന്ത്യക്കാരാണ് ഫേസ്ബുക്ക് ഉപയോഗിക്കുന്നത്.
