രാജ്യത്തെ ഭവന നിര്‍മ്മാണ മേഖലയില്‍ വായ്പ നല്‍കുന്ന പ്രധാന സ്വകാര്യ സ്ഥാപനങ്ങളില്‍ ഒന്നായ ഹൌസിംഗ് ഡവലപ്‌മെന്‍റ് ഫൈനാന്‍സ് കോര്‍പ്പറേഷന്‍ എന്ന എച്ച്.ഡി.എഫ്.സി 2007-08 സാമ്പത്തിക വര്‍ഷത്തില്‍ 2,712.19 കോടി രൂപയുടെ അറ്റാദായം കൈവരിച്ചു.
എച്ച്.ഡി.എഫ്.സി വൈസ് ചെയര്‍മാന്‍ കേകി മിസ്ത്രി വെളിപ്പെടുത്തിയതാണിത്. അതേ സമയം 2006-07 ല്‍ കമ്പനിയുടെ അറ്റാദായം 1,741 കോടി രൂപയായിരുന്നു. ഈയിനത്തില്‍ കമ്പനി നേടിയത് 54.74 ശതമാനം വര്‍ദ്ധനയാണ്.
ലാഭത്തിനൊപ്പം കമ്പനിയുടെ വരുമാനം 2006-07 ല്‍ 5,458.98 കോടി രൂപയായിരുന്നത് 2007-08 ല്‍ 80.36.42 കോടി രൂപയായി വര്‍ദ്ധിച്ചിട്ടുണ്ട്.
ഇക്കൊല്ലം ഉയര്‍ന്ന ലാഭം കൈവരിച്ചതോടെ കമ്പനി ഡയറക്‍ടര്‍ ബോര്‍ഡ് ഓഹരി ഒന്നിന് 25 രൂപാ നിരക്കില്‍ ലാഭവിഹിതം നല്‍കാനും തീരുമാനിച്ചിട്ടുണ്ട്.
ഇക്കാലയളവില്‍ കമ്പനി നല്‍കിയ വായ്പയില്‍ 28 ശതമാനം വര്‍ദ്ധന കൈവരിക്കാന്‍ കഴിഞ്ഞതായും കേകി മിസ്ത്രി കൂട്ടിച്ചേര്‍ത്തു.
മുംബൈ|
WEBDUNIA|
Last Modified ബുധന്‍, 30 ഏപ്രില്‍ 2008 (18:08 IST)
