ബോംബൈ ഐഐടിയുമായി സഹകരിച്ച് റിലയന്‍സിന്റെ നേതൃത്വത്തില്‍ നിര്‍മിത ബുദ്ധി അടിസ്ഥാനമാക്കി സംവിധാനം വരുന്നു. റിലയന്‍സ് ജിയോ ഇന്‍ഫോകോം ചെയര്‍മാന്‍ ആകാശ് അംബാനിയാണ് ഇക്കാര്യം വ്യക്തമാക്കിയത്. ഐഐടി വാര്‍ഷിക ടെക് ഫെസ്റ്റില്‍ സംസാരിക്കവെയാണ് ആകാശ് അംബാനി ഇക്കാര്യം വ്യക്തമാക്കിയത്.

വലിയ ലാംഗ്വേജ് മോഡലുകളുടെയും നിര്‍മിതബുദ്ധിയുടെയും ദശാബ്ദത്തിലാണ് നമ്മളുള്ളത്. എല്ലാ ഉത്പന്നങ്ങളുടെയും സേവനങ്ങളുടെയും രംഗത്ത് ഇത് വിപ്ലവകരമായ മാറ്റങ്ങള്‍ ഉണ്ടാക്കും. കമ്പനിയുടെ എല്ലാ മേഖലയെയും ഉള്‍ക്കൊള്ളുന്ന എ ഐ അവതരിപ്പിക്കാനാണ് റിലയന്‍സ് ശ്രമിക്കുന്നത്. എല്ലാ മേഖലകളിലേയ്ക്കും എ ഐ ഉപയോഗപ്പെടുത്താന്‍ ഞങ്ങള്‍ കഠിനമായി പരിശ്രമിക്കും. ആകാശ് അംബാനി പറഞ്ഞു.