ഇന്ത്യൻ വാഹന വിപണിയിൽ ആധിപത്യം വർധിപ്പിക്കുകയാണ് ദക്ഷിണ കൊറിയൻ വാഹന നിർമ്മാതാക്കളായ ഹ്യൂണ്ടയ്. അടുത്തിടെയാണ് ക്രെറ്റയുടെ പരിഷ്കരിച്ച പതിപ്പിനെ ഹ്യുണ്ടായ് വിപണിയിൽ അവതരിപ്പിച്ചത്. മികച്ച ബുക്കിങ് വാഹനം സ്വന്തമാക്കുകയും ചെയ്തു. ആഗോള വിപണിയിലുള്ള പ്രീമിയം സെവൻ സീറ്റർ എസ്‌യുവി പാലിസേഡിനെ ഇന്ത്യയിൽ എത്തിക്കാൻ ഹ്യൂണ്ടായ് തയ്യാറെടുക്കുന്നതായാണ് റിപോർട്ട്.

ആഡംബര എസ്‌യുവികളോട് കിടപിടിക്കുന്ന പ്രീമിയം എസ്‌യുവിയാണ് പാലിസേഡ്. വീതി കുറഞ്ഞ ഫുള്‍ എല്‍ഇഡി ഹെഡ്‌ലൈറ്റുകളും പുരികങ്ങൾ പോലെ തോന്നിക്കുന്ന ഡിആർഎല്ലുകലും വാഹനത്തിന് മികച്ച ലുക്ക് നൽകുന്നു. ഗ്രില്ലും, സില്‍വര്‍ സ്‌കിഡ് പ്ലേറ്റും പ്രീമിയം തന്നെ. 4980എംഎം നീളവും 1975 എംഎം വീതിയും 1750 എംഎം ഉയരവും വാഹനത്തിനുണ്ട് 2900 എംഎമ്മാണ് വീല്‍ബേസ്.

ആഡംബരം ഉൾക്കൊള്ളുന്നതാണ് വാഹനത്തിന്റെ ഇന്റീരിയർ. 291 ബിഎച്ച്‌പി പവറും 355 എന്‍എം ടോര്‍ക്കും ഉതപാതിപ്പിക്കാൻ ശേഷിയുള്ള 3.8 ലിറ്റര്‍ വി6 ഡയറക്‌ട് ഇഞ്ചക്ഷന്‍ പെട്രോള്‍, 200 ബിഎച്ച്‌പി പവറും 441 എന്‍എം ടോർക്കും സൃഷ്ടിക്കാൻ ശേഷിയുള്ള 2.2 ലിറ്റര്‍ ടര്‍ബോചാര്‍ജ്ഡ് ഡീസല്‍ എന്നിങ്ങനെ രണ്ട് എഞ്ചിൻ പതിപ്പുകളിലാണ് വാഹനം വിപണിയിലുള്ളത്.