കടുത്ത സാമ്പത്തിക പ്രതിസന്ധിയിലുള്ള കിംഗ്ഫിഷര് എയര്‍ലൈന്‍സ്‌ ഇന്നും സര്‍വീസുകള്‍ റദ്ദാക്കി. 20 സര്‍വീസുകളാണ്‌ ഇന്ന് റദ്ദാക്കിയിരിക്കുന്നത്.
കിംഗ്ഫിഷര് അധികൃതരുമായി കഴിഞ്ഞ ദിവസം നടത്തിയ ചര്‍ച്ചയുടെ വിശദാംശങ്ങള്‍ ഡിജിസിഎ ഇ കെ ഭരത്‌ ഭൂഷണ്‍ ഇന്ന് വ്യോമയാനമന്ത്രി അജിത് സിംഗിനെ അറിയിക്കാനിരിക്കേയാണ്‌ വീണ്ടും സര്‍വീസ്‌ റദ്ദാക്കിയിരിക്കുന്നത്. ഇന്നു റദ്ദാക്കിയവയില്‍ 14 എണ്ണം മുംബൈയില്‍ നിന്നും രണ്ടെണ്ണം ഡല്‍ഹിയില്‍ നിന്നുമുള്ളവയാണ്‌.
പുതിയ സര്‍വീസ്‌ ഷെഡ്യുള്‍ ഇന്ന് സമര്‍പ്പിക്കണമെന്ന്‌ ഡിജിസിഎ കിംഗ്‌ഫിഷറിനോട്‌ കഴിഞ്ഞദിവസം ആവശ്യപ്പെട്ടിരുന്നു.
