ഇന്ത്യന് ബാങ്കിന്റെ അറ്റാദായത്തില്‍ വര്ധന. ജൂണ്‍ 30ന് അവസാനിച്ച ഒന്നാം‌പാദത്തില്‍ ബാങ്കിന്റെ അറ്റാദായത്തില്‍ 10.5% വര്‍ധനയാണ് ഉണ്ടായിരിക്കുന്നത്.
ബാങ്കിന്റെ അറ്റാദായം 406.9 കോടി രൂപയായിട്ടാണ് വര്‍ധിച്ചത്. മുന്‍‌വര്‍ഷം ഇതേകാലയളവില്‍ ഇത് 368.2 കോടി രൂപയായിരുന്നു.
ബാങ്കിന്റെ മൊത്തം ഇടപാട് 21.3% വര്‍ധിച്ച് 1,92,924 കോടി രൂപയായി. മൊത്തവരുമാനത്തില്‍ 22.3 ശതമാനം വര്‍ധനയുണ്ടായി. വരുമാനം 3,030.70 കോടി രൂപയായിട്ടാണ് വര്‍ധിച്ചത്. എസ്ബിഐ മ്യൂച്വല്‍ ഫണ്ടുമായി ചേര്‍ന്നു മ്യൂച്വല്‍ ഫണ്ട് രംഗത്തേക്കു കടക്കാനൊരുങ്ങുകയാണെന്ന് ബാങ്ക് ചെയര്‍മാനും എംഡിയുമായ ടി എം ഭാസിന്‍ പറഞ്ഞു.
