അനുബന്ധ വാര്ത്തകള്
- റെക്കോഡ് ഉയരത്തിൽ സൂചികകൾ, നിക്ഷേപക ആസ്ഥി 260 ലക്ഷം കോടി മറികടന്നു
- എസ്ബിഐയെ മറികടന്ന് ഭാരതി എയർടെൽ: വിപണിമൂല്യം നാലു ലക്ഷം കോടി കടന്നു
- ടെലികോം മേഖലയിൽ 100 ശതമാനം വിദേശ നിക്ഷേപത്തിന് അനുമതി
- സെൻസെക്സിൽ 476 പോയന്റിന്റെ നേട്ടം,സൂചികകൾ റെക്കോഡ് ഉയരത്തിൽ
- പ്രതിസന്ധിയിലായ ടെലികോം കമ്പനികൾക്ക് ആശ്വാസം: കുടിശ്ശികയ്ക്ക് നാലുവർഷത്തെ മൊറട്ടോറിയം പ്രഖ്യാപിച്ച് കേന്ദ്രം
കുതിച്ചുയർന്ന് വിപണി: സെൻസെക്സ് ഇതാദ്യമായി 59,000 കടന്നു: നിഫ്റ്റി 17,600പിന്നിട്ട് ക്ലോസ്ചെയ്തു
ബാങ്കിങ് ഓഹരികളുറ്റെ കരുത്തിൽ സൂചികകൾ സർവകാല റെക്കോഡിൽ ക്ലോസ് ചെയ്തു. സെൻസെക്സ് ചരിത്രത്തിലാദ്യമായി 59,000 കടന്നു. നിഫ്റ്റി 17,600ഉം മറികടന്നു.വ്യാപാരം അവസാനിപ്പിക്കുമ്പോൾ 418 പോയന്റാണ് സെൻസെക്സിലെ നേട്ടം. 59,141 പോയന്റാണ് സൂചിക പിന്നിട്ടത്. നിഫ്റ്റി 110 പോയന്റ് ഉയർന്ന് 17,629.50ലുമെത്തി.
ടെലികോം, ഓട്ടോ സെക്ടറുകളിൽ കഴിഞ്ഞദിവസങ്ങളിൽ കൊണ്ടുവന്ന പരിഷ്കാരങ്ങൾ, ആഗോള വിപണിയിൽനിന്നുള്ള സൂചനകൾ എന്നിവയാണ് കഴിഞ്ഞദിവസങ്ങളിലെ നേട്ടത്തിന് തുടർച്ചയിട്ടത്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളും റാലിയിൽ പങ്കുചേർന്നു.
നിഫ്റ്റി പൊതുമേഖല ബാങ്ക് സൂചിക 5.43ശതമാനം നേട്ടമുണ്ടാക്കി. ബാങ്ക് സൂചിക 2.22ശതമാനവും ഉയർന്നു. അതേസമയം, മീഡിയ 1.71ശതമാനം നഷ്ടംനേരിട്ടു. മെറ്റൽ, ഐടി സൂചികകളും നഷ്ടത്തിലാണ് ക്ലോസ് ചെയ്തത്.
