തിരുവനന്തപുരം|
WEBDUNIA|
Last Modified വെള്ളി, 5 നവം‌ബര്‍ 2010 (12:38 IST)
സംസ്ഥാന സ്കൂള് കായികമേളയില്‍ അത്ലറ്റിക്സ് മത്സരങ്ങള്‍ ഡിസംബര്‍ ഒമ്പതു മുതല്‍ ആരംഭിക്കും. 12 വരെ നാലു ദിവസങ്ങളിലായി നടക്കുന്ന മത്സരങ്ങള്‍ തിരുവനന്തപുരത്താണ് അരങ്ങേറുക. ഇത്തവണ അത്‌ലറ്റിക്സും ഗെയിംസും പ്രത്യേകം പ്രത്യേകമായാണ് നടത്തുക.
ഗെയിംസ്‌ മൂന്ന്‌ ഗ്രൂപ്പുകളായി തിരിച്ച്‌ കൊല്ലം, പാലക്കാട്‌, കാസര്‍കോഡ്‌ എന്നിവിടങ്ങളിലായാണ് ഇത്തവണ നടത്തുന്നത്. ഇതിന്‍റെ തീയതികള്‍ തീരുമാനിച്ചിട്ടില്ല.
ഗെയിംസ്‌ ആദ്യ ഗ്രൂപ്പില്‍ ഫുട്ബോള്‍, ബാഡ്മിന്‍റണ്‍, കബഡി, ഗുസ്തി, ഹാന്‍ഡ്ബോള്‍ എന്നിവയാണ് ഉള്‍പ്പെടുത്തിയിരിക്കുന്നത്. കാസര്‍കോടാണ് ആദ്യ ഗ്രൂപ്പ് നടക്കുക.
രണ്ടാം ഗ്രൂപ്പില്‍ പെട്ട ഹോക്കി, ബാസ്ക്റ്റ്ബോള്‍, ടേബിള്‍ ടെന്നീസ്‌, ജൂഡോ, ഖോ - ഖോ എന്നിവ പാലക്കാട്ട് അരങ്ങേറും. ക്രിക്കറ്റ്‌, വോളിബോള്‍, ലോണ്‍ ടെന്നീസ്‌, ബോള്‍ ബാഡ്മിന്‍റണ്‍, ചെസ്‌ എന്നിവയുള്‍പ്പെട്ട മൂന്നാം ഗ്രൂപ്പ് മത്സരങ്ങള്‍ കൊല്ലത്ത് നടക്കും.
