ബ്രസീല്‍ ലോകകപ്പിനുളള അവസാന വട്ട ടിക്കറ്റ് വില്‍പന തുടങ്ങി
റിയോ ഡി ജനീറോ|
WEBDUNIA|
Last Modified വ്യാഴം, 13 മാര്‍ച്ച് 2014 (12:31 IST)
PRO
ജൂണില്‍ ആരംഭിക്കുന്ന ബ്രസീല്‍ ലോകകപ്പിനുളള അവസാന വട്ട ടിക്കറ്റ് വില്‍പന തുടങ്ങി. ഫിഫയുടെ ഔദ്യോഗിക വെബ്‌സൈറ്റ് മുഖേനയാണ് ടിക്കറ്റ് വിതരണം ചെയ്യുന്നത്.
എന്നാല്‍ ഫൈനല്‍, ബെലോ ഹൊറിസോണ്ടയിലെ സെമി, സാവോപോളോ, പോര്‍ട്ട് അലഗ്രെ എന്നിവിടങ്ങളിലെ രണ്ട് ക്വാര്‍ട്ടര്‍ ഫൈനലുകള്‍, ഗ്രൂപ്പ് ഘട്ടങ്ങളിലെ ഇംഗ്ലണ്ട്-ഇറ്റലി, അമേരിക്ക-പോര്‍ച്ചുഗല്‍, ബ്രസീല്‍-ക്രൊയേഷ്യ മത്സരങ്ങള്‍ എന്നിവയുടെ ടിക്കറ്റുകള്‍ ഇതിനോടകം വിറ്റുതീര്‍ന്നതായി ഫിഫ അധികൃതര്‍ അറിയിച്ചു.
ഘട്ടം ഘട്ടമായി നടക്കുന്ന ടിക്കറ്റ് വില്‍പനയില്‍ 23 ലക്ഷത്തോളം ടിക്കറ്റുകല്‍ ഇതിനകം വില്‍പന നടത്തിയിട്ടുണ്ട്. ഇനി ശേഷിക്കുന്ന ഒരു ലക്ഷത്തി അറുപതിനായിരം ടിക്കറ്റുകളാണ് വില്‍പ്പനക്ക് വച്ചിരിക്കുന്നത്. ആദ്യം ബുക്കുചെയ്യുന്നവര്‍ക്ക് ആദ്യം ടിക്കറ്റ് ലഭിക്കും എന്ന രീതിയിലാണ് വില്പ്പന സജ്ജീകരിച്ചിരിക്കുന്നത്.
ജൂണ്‍ 12 ആരംഭിക്കുന്ന ലോകകപ്പില്‍ ആറു ലക്ഷത്തോളം വിദേശ കളിപ്രേമികളെയാണ് ബ്രസീല്‍ പ്രതീക്ഷിക്കുന്നത്.
