ചാമ്പ്യന്‍സ് ലീഗില്‍ മാഞ്ചസ്റ്റര് സിറ്റിയെ വീഴ്ത്തിയ വമ്പുമായി എത്തിയ ബാഴ്‌സലോണയ്ക്ക് അട്ടിമറി തോല്‍‌വി. റയല് മാഡ്രിഡില്‍ നിന്ന് ലീഡ് പിടിച്ചെടുക്കാന്‍ കച്ചകെട്ടിയിറിങ്ങിയ ചാമ്പ്യന്മാരെ റയല് സോസിഡാഡ് ഒന്നിനെതിരേ മൂന്ന് ഗോളുകള്‍ക്ക് തകര്‍ത്തു. സീസണില്‍ ഇത് ബാഴ്‌സയുടെ മൂന്നാം തോല്‍വിയാണ്.
എല്‍ച്ചിനെ മടക്കമില്ലാത്ത മൂന്ന് ഗോളിന് തകര്‍ത്ത റയല് ബാഴ്‌സയ്ക്കുമേല്‍ മൂന്ന് പോയിന്റിന്റെ ലീഡ് സ്ഥാപിച്ചു. രണ്ടാം സ്ഥാനത്തുള്ള ബാഴ്‌സയ്ക്കും മൂന്നാം സ്ഥാനത്തുള്ള അത്‌ലറ്റിക്കോയ്ക്കും 60 പോയിന്റ് വീതമാണുള്ളത്. 25 കളികളില്‍ നിന്ന് 43 പോയിന്റുള്ള സോസിഡാഡ് അഞ്ചാം സ്ഥാനത്തേയ്ക്കുയര്‍ന്നു.
32-ാം മിനിറ്റില്‍ കാമറൂണ്‍ മിഡ്ഫീല്‍ഡര്‍ അലക്‌സ് കാമറൂണിന്റെ സെല്‍ഫ് ഗോളില്‍ ലീഡ് വഴങ്ങിയ ബാഴ്‌സയെ നാലു മിനിറ്റിനകം മെസ്സില്‍ ഒപ്പമെത്തിച്ചു. മാര്‍ട്ടിന്‍ മൊടോയയുടെ ഒരു പാസ് ബോക്‌സിന്റെ പുറത്തു നിന്ന ഇടങ്കാലന്‍ ഷോട്ടിലൂടെയാണ് മെസ്സി വലയിലെത്തിച്ചത്.
