മാഡ്രിഡ്|
WEBDUNIA|
Last Modified ഞായര്‍, 12 ഫെബ്രുവരി 2012 (11:47 IST)
സ്പാനിഷ് ലീഗ് ഫുട്‌ബോളില്‍ അപ്രതീക്ഷിത തോല്‍‌വി വഴങ്ങിയ ബാഴ്‌സലോണയുടെ കിരീടം നിലനിര്‍ത്താമെന്ന സ്വപ്‌നങ്ങള്‍ക്ക് തിരിച്ചടി. കഴിഞ്ഞ ദിവസം നടന്ന മത്‌സരത്തില്‍ ഒസാസുനക്കെതിരെ 3-2 എന്ന ഗോള്‍ നിലയിലാണ് ബാഴ്സ പരാജയപ്പെട്ടത്. ആദ്യപകുതിയില്‍ രണ്ട് ഗോളുകള്‍ക്ക് പിന്നിലായിരുന്ന ബാഴ്സ മത്സരത്തിലേക്ക് തിരിച്ചുവരാ‍നുള്ള ശ്രമങ്ങള്‍ നടത്തിയെങ്കിലും ശ്രമം പരാജയപ്പെട്ടു.
നിലവിലെ ചാമ്പ്യന്‍മാരായ ബാഴ്സ ഇപ്പോള്‍ റയല് മാഡ്രിഡിനേക്കാള്‍ 7 പോയിന്റ് പിന്നിലാണ്. അടുത്ത മത്സരം റയല് വിജയിച്ചാല്‍ അവര്‍ക്ക് 10 പോയിന്റ് കൂടുതലാകും. ഇതോടെ സീസണിലെ ബാഴ്‌സയുടെ കിരീട സാധ്യതയ്ക്ക് തിരിച്ചടിയാകുകയും ചെയ്യും.
